Kerala Baadh Mein Marne Vaalon Ki Sankhya Hui 173, Aaj Daura Kareinge Pradhaanamantri

Breaking »

Kerala Baadh Mein Marne Vaalon Ki Sankhya Hui 173, Aaj Daura Kareinge Pradhaanamantri

Kochchi/tiruvanantapuram Baadh prabhaavit Kerala mein shukravaar ko bhi koi sudhaar naheen aaya. Adhikaariyon ne bataaya ki is traasadi mein guruvaar tak jahaan marne vaalon ki sankhya 106 thi, vaheen shukravaar ko baadh aur laindaslaaid ki vajah se marne vaalon ki sankhya 173 ho chuki hai. Shukravaar raat kareeb 11 baje pradhaanamantri Narendra Modi bhi Kerala ki rajdhani tiruvanantapuram pahunch gaye. PM Modi shanivaar ko baadh prabhaavit ilaakon ka sarvekshan kareinge. Bachaav kaarya mein lage sena ke adhikaari Brigadier Arun ne bataaya, '700 sainikon aur speshalaaijd engineering taask fors bot aur jaroori ikvipmeint ke saath bachaav kaarya mein lage hain. Pichhle 9 dinon mein kareeb 5000 logon ko bachaaya ja chuka hai. Ham vaada karte hain ki jab tak Kerala mein janajeevan saamaanya naheen ho jaata, ham log din-raat kaam kareinge. ' 50 hajaar parivaaron ke bareeb 2.23 lakh log is samay beghar hain, jo raajya bhar mein bane 1568 raahat shiviron mein rah rahe hain. Do din tak moosalaadhaar baarish ke baad shukravaar ko baarish mein thodi kami I hai. Mausam vibhaag ka kehna hai ki aane vaale kuchh dinon mein mausam kuchh aur saamaanya ho jaaega, haalaanki kuchh ilaakon mein baarish ka prakop jaari rahega. Kerala CM office ne apne ofishl twitter haindal se likha, 'Kerala pichhle 100 saal ki sabse tabaahi waali aapada se joojh raha hai. 80 baandh khol diye gaye hain. May se ab tak 324 logon ki jaanein ja chuki hain aur takareeban 2,23,139 log abhi bhi raahat camp mein hain. ' isi ke saath CM office Kerala ne logon se peediton ke liye madad ki appeal ki hai. Mukhyamantri pinraai vijyan ne bataaya ki 4 jilon mein baadh ki sthiti behad khatarnaak hai. In jilon mein alaappujha, ernaakulam, pathanamatitta aur trishoor shaamil hain. Yahaan panpa, periyaar aur chaalaakudi nadiyon ke jal ne prakop machaaya hai. Raajya mein 8 August se tabaahi ke chalte fasal aur sampattiyon samet kul 8 hajaar karod rupaye se jyaada ka nuksaan hua hai. Hajaaron logon ko sena is tarah bacha chuki hai. Raajya mein jaari tabaahi ke beech sena, vaayusena, nausena, Indian kostagaard aur NDRF ki teemein baadh prabhaavit ilaakon se logon ko bachaane ki kavaayad mein lagi hui hain. Haalaanki guruvaar ko yeh dekhne ko mila ki aapada ka star isse nipatne ke prayaason se kaafi adhik hai. Ariyankavoo-tenamalai ke beech senakottaai-punalur railway track par bhooskhalan hone se dakshin jile se aane aur jaane waali trainein poori ya aanshik roop se rad kar di gayi hain. Kai trainon ke raaste badle gaye hain. Alappujha ke chunakkara gaanv mein sadkon par ghutanon se oopar paani bhara hua hai. Kerala mein guruvaar ko jaari kiya gaya red alert kaasaragod ko chhodkar 13 jilon mein shukravaar ko bhi jaari rahega. Ernaakulam aur idukki mein shanivaar ke liye bhi red alert jaari kiya gaya hai.

Kerala Baadh Mein Marne Vaalon Ki Sankhya Hui 173, Aaj Daura Kareinge Pradhaanamantri http://www.angrejinews.com/pic/218926