Kendra Sarkaar Ne Yaun Aparaadh Adhyaadesh Par Di Safaai

Breaking »

Kendra Sarkaar Ne Yaun Aparaadh Adhyaadesh Par Di Safaai

Nai Delhi: Kendra sarkaar ne yaun aparaadhon ke khilaaf adhyaadesh laane ke apne nirnaya ka bachaav karte hue somvaar ko kaha ki vah mahilaaon ki suraksha sunishchit karne se sambandhit anya sujhaavon par vichaar karne aur unhein amal mein laane ke liye taiyaar hai. Keindreeya vitt mantri pi. Chidambaram ne samvaadadaata sammelan mein kaha, "Adhyaadesh keval kaanoon banaane ki disha mein pehla kadam hai. Yah poorn svaroop naheen hai. " unhonne kaha ki logon ki vyaapak maang ko dekhte hue sarkaar adhyaadesh laane ke nateeje par pahunchi. Unhonne kaha, "Sarkaar har kisi ko aashvast karna chaahati hai ki aage bhi is mudde par charcha hogi aur raajaneetik dalon se bhi baatcheet ki jaaegi. " Keindreeya mantri ne kaha ki sansad mein jab vidheyak pesh kiya jaaega to is par charcha ki jaaegi. Sarkaar is adhyaadesh ke sthaan par sansad mein vidheyak laane aur use paarit karavaane ki maang ka svaagat karti hai. Kendra sarkaar ki or se yah spashteekaran raashtrapati Pranab mukharji dvaara adhyaadesh ko manjoori dene ke baad aaya hai, jabki mahila sangathanon ne mahilaaon ki suraksha se sambandhit mudde par vyaapak sahamati ban jaane tak sarkaar se intajaar karne ki appeal ki thi. Chidambaram ne kaha ki sarvochch nyaayaalaya ke sevaanivrutt nyaayaadheesh nyaayamoorti JS varma ki adhyakshata mein gathit samiti ki anushansaaon se kai jatil mudde nikalkar saamane aae hain. Kendra sarkaar ne varma samiti ki anushansaaon par turant kadam uthaane ki koshish ki aur shukravaar ko 'Vyaapak sahamati' ke aadhaar par adhyaadesh jaari kiya gaya. Adhyaadesh ko lekar mahila sangathanon ki aapattiyon ke sandarbh mein Chidambaram ne kaha ki kendra sarkaar ne varma samiti ki sabhi anushansaaen naheen maani hain, lekin unhein khaarij bhi naheen kiya hai. Unhonne kaha, "Sashastr bal vishesh shaktiyaan adhiniyam (AFSPA), vaivaahik dushkarm tatha kishoron ke liye umr kam karne jaisi dhaaraaon par adhik charcha ki jaroorat hai. " Sansad mein vidheyak paarit karavaane ke liye sabhi paartiyon se samarthan ki appeal karte hue Chidambaram ne kaha, "Mujhe ummeed hai ki anya paartiyaan is maamale ko samvedansheel tareeke se dekheingi. Main vipaksh se appeal karta hoon ki dushkarm virodhi kaanoonon ke nirmaan ke liye vyaapak sahamati banaane mein hamaari madad karein. " Vaheen, keindreeya soochana evam prasaaran mantri maneesh tivaari ne is mudde par kaha, "Adhyaadesh kaanoon nirmaan ki disha mein pehla kadam hai. Yadi ise lekar kisi ko koi aapatti hai to sarkaar is par vichaar karegi aur iske liye jo bhi aavashyak hoga, kadam uthaae jaaenge. "

Kendra Sarkaar Ne Yaun Aparaadh Adhyaadesh Par Di Safaai http://www.angrejinews.com/pic/1094