Kendra Sarkaar Ne Supreme Court Se Kaha, Porn Vebasaaits Ko Blauk Karne Se Jyaada Nuksaan Hoga

Breaking »

Kendra Sarkaar Ne Supreme Court Se Kaha, Porn Vebasaaits Ko Blauk Karne Se Jyaada Nuksaan Hoga

Nai Delhi: kendra sarkaar ne aaj Supreme court ko bataaya ki desh mein ashleel saamagri waali vebasaaits ko blauk karna sambhav naheen hai aur isse adhik nuksaan ho sakta hai, kyonki aise shabdon ke saahityik vivran bhi janta ke liye Internet par upalabdh naheen hoga. Justice BS chauhaan ki adhyakshata waali khandapeeth ke samaksh atirikt sauliseetar general kevi vishvanaathan ne kaha ki is tarah ki vebasaaits ko avaruddh karne se adhik nuksaan hoga. Unhonne kaha, 'Sabhi kuchh avaruddh ho jaaega aur yahaan tak ki achha saahitya bhi avaruddh ho jaaega aur isse adhik nuksaan hoga. ' unhonne kaha ki aisi vebasaaits ko blauk karne ke liye pratyek computer mein ek software lagaana padega aur sabhi computer nirmaataaon ke liye aisa software lagaane hetu nirdesh dena padega. nyaayaalaya Indore nivaasi vakeel Kamlesh vaasavaani ki janahit yaachika par sunavaai kar raha tha. Is yaachika mein kaha gaya hai ki haalaanki ashleel video dekhna aparaadh naheen hai, lekin aisi saaits par paabandi lagaayi jaani chaahiye, kyonki mahilaaon ke prati aparaadh ki yeh ek badi vajah hai. vakeel vijay panjavaani ke maadhyam se daayar yaachika mein kaha gaya hai ki Internet kaanoonon ke abhaav mein log ashleel video dekhne ke liye prerit hote hain. Yaachika ke anusaar is samay baajaar mein aisi 20 karod se bhi adhik video aur kleeping sahajata se upalabdh hain.

Kendra Sarkaar Ne Supreme Court Se Kaha, Porn Vebasaaits Ko Blauk Karne Se Jyaada Nuksaan Hoga http://www.angrejinews.com/pic/49643