Kendra Sarkaar Ne Ki Andhra Pradesh Vidhaanasabha Bhang Karne Aur Raashtrapati Shaasan Badhaane Ki Sifaarish

Breaking »

Kendra Sarkaar Ne Ki Andhra Pradesh Vidhaanasabha Bhang Karne Aur Raashtrapati Shaasan Badhaane Ki Sifaarish

Nai Delhi: kendra sarkaar ne Andhra pradesh vidhaanasabha bhang karne aur raashtrapati shaasan ki avadhi badhaane ki sifaarish ki hai. Sarkaari sootron ne kaha ki pradhaanamantri Manmohan Singh ki adhyakshata mein hui keindreeya mantrimandal ki baithak mein yeh tay kiya gaya. cabinet ne raashtrapati se sifaarish ki ki raajya vidhaanasabha bhang ki jaae aur keindreeya shaasan ki avadhi 30 April ke baad bhi jaari rahe. Andhra pradesh ke raajyapaal ESL narasimhan ki report ke baad yeh faisala kiya gaya. Unhonne raajya ke maujooda haalaat ke baare mein kendra ko jaankaari di thi. Andhra pradesh mein raashtrapati shaasan ke faisale ki anivaarya pushti ke liye sansad mein jaane se pehle kendra sarkaar ko aur do maheene milne mein kaibanet ka faisala madad kar sakta hai. Andhra pradesh mein Loksabha chunaav ke saath hi vidhaanasabha chunaav bhi ho rahe hain. Sarkaari sootron ne kaha ki Loksabha chunaav ke nau charanon vaale matadaan mein ab teen aur charan rah gaye hain. Aise mein raashtrapati shaasan ke faisale ki pushti ke liye sansad satr bulaana mushkil hai, kyonki jyaadaatar saansad chunaav mein vyast hain. raashtrapati shaasan ke faisale ki pushti sansad dvaara do maheene ke bheetar honi chaahiye. Andhra pradesh mein raashtrapati shaasan 1 March ko lagaaya gaya tha.

Kendra Sarkaar Ne Ki Andhra Pradesh Vidhaanasabha Bhang Karne Aur Raashtrapati Shaasan Badhaane Ki Sifaarish http://www.angrejinews.com/pic/48616