Kazakhstan Mein America Se Seedhi Baatcheet Naheen Karega Iran

Breaking »

Kazakhstan Mein America Se Seedhi Baatcheet Naheen Karega Iran

Tehran: Iran ne Kazakhstan mein hone ja rahi vishv shaktiyon ki baithak mein America se alag se seedhi baatcheet karne se inkaar kiya hai. Iran videsh mantraalaya ke pravakta raameen mehamaanaparast ne kaha hai ki jab tak America ki or se sadbhaavana ke sanket naheen milte, vah donon deshon ke beech seedhi baatcheet ki sambhaavana naheen ban sakegi. Iran aur tathaakathit 'Pi paanch plas ek' ke beech nae chakr ki baatcheet 26 February ko Kazakhstan ke almaati mein shuroo hogi. 'Pi paanch plas ek' mein America, roos, cheen, France va Britain tatha Germany shaamil hain. Mehamaanaparast ne kaha ki America ki or se sadbhaavana ke koi sanket naheen mile hain. Unka desh America se kisi 'Dabaav' mein baatcheet ka ichhuk naheen hai. Dabaav mein America se saath ki jaane waali vaarta ka koi nateeja naheen niklega. Is maheene ke praarambh mein ameriki uparaashtrapati jo biden ne kaha tha ki Irani netrutv yadi gambhir ho to America unke saath seedhi baatcheet ke liye taiyaar hai. Is beech, white house ke pravakta J kaarne ne kaha ki Iran par dabaav tab tak jaari rahega aur badhta rahega jab tak ki vah apne parmaanu kaaryakramon ko lekar antararaashtreeya javaabadehiyon ka nirvaah naheen karta.

Kazakhstan Mein America Se Seedhi Baatcheet Naheen Karega Iran http://www.angrejinews.com/pic/1804