Kauman Training Platform Par 31 Top Vimin Leedars Ko Laaengi Badi Companiyaan

Business »

Kauman Training Platform Par 31 Top Vimin Leedars Ko Laaengi Badi Companiyaan

[ anumeha chaturvedi | nai Delhi ] American express, pepsiko, Microsoft, peedablyoosi aur tata group jaisi badi companiyon ne maargadarshan aur prashikshan ke ek saajha kaaryakram mein apni 31 top vimin leedars ko shaamil karne ka faisala kiya hai. Yeh apni tarah ka pehla kadam hai. Ismein shaamil malti-national companiyon ko ummeed hai ki iske safal hone par yeh model ve apni global paireints ke saamane pesh kar sakeingi. 8 maheene ke is kaaryakram ka naam reech out rakha gaya hai. Companiyon ko ummeed hai ki ve isse daayavarsiti aur inkloojan par ek-doosare ki best praiktisej ko saajha kar sakeingi aur seekh sakeingi. Yeh program American express ki soch ka nateeja hai. Ye 31 vimin leedars apni companiyon mein CEO ke ek se teen leval neeche kaam kar rahi hain. Inhein paanchon companiyon ke leedars ka maargadarshan milega. Program ke tahat inhein group varkashaups, leadership daayalaugs, online kamyuniteej, piyr larning sarkals se hote hue aakhir mein larning summit mein le jaaya jaaega. American express south Asia ke presideint sanjaya rishi ne kaha ki senior management mein to sabhi achhe hote hain. Tab cheef egjikyootiv kaise tay karta hai ki kis shakhs ko aage laaya jaae? Yeh program isi par aadhaarit hai. Paartisipeints mein pepsiko ki leegal director (foods) pooja batra, pepsiko India mein kurakure ki maarketing director vaani gupta daandiya, peedablyoosi ki straiteji director rashmi upaadhyaaya, Indian hotels company (taaj group) ki global sales head renu Basu aur tata kaipitl ki business divelapameint head kashmeera mevaavaala shaamil hain. Tata group ke group country hyooman risorsej officer aur group egjikyootiv kaaunsil ke meinbar N S raajan ne kaha ki vividhta badhaane ke liye thos prayaas karne hote hain. Hamaara maanana hai ki yeh sab raatonraat naheen kiya ja sakta hai. Ye mahilaaen June, August aur November 90 minute ki group varkashaups mein shaamil hongi, jinmein inhein doosari companiyon ke leedars ki baatein samajhne ka mauka milega. Meintaurs mein Microsoft India ke Chairman bhaaskar pramaanik, American express south Asia ke presideint sanjaya rishi, pepsiko ke Chairman aur CEO di shivkumaar, peedablyoosi ke egjikyootiv director (eshyoreins, maarkets aur industries leedar) Russel parera, tata group ki group egjikyootiv kaaunsil ke meinbar hareesh bhat aur N S raajan shaamil hain. Peedablyoosi ke Chairman aur teritri senior paartanar deepak Kapoor ne kaha ki jab is pahal par kaam shuroo hua to hamein doosaron se baat karne aur yeh samajhne ka mauka mila ki ve kya sochate hain. Unhonne kaha ki mujhe peedablyoosi ki doosari global teritreej mein bhi aisi pahal hone ki ummeed hai.

Kauman Training Platform Par 31 Top Vimin Leedars Ko Laaengi Badi Companiyaan http://www.angrejinews.com/pic/48537