Kashmir Mein Curfew Jaari, Naheen Chhap Rahe Samaachaar Patra

Breaking »

Kashmir Mein Curfew Jaari, Naheen Chhap Rahe Samaachaar Patra

Shreenagar: Sansad hamle ke doshi Afzal guru ko nai Delhi ki tihaad jail mein faansi diye jaane ke baad se Kashmir ghaati mein tanaav jaari hai. Hinsa rokane ke liye shanivaar se hi laagoo curfew mangalvaar ko chauthe din bhi jaari raha. Yahaan samaachaar-patra bhi prakaashit naheen ho rahe hain aur na hi Internet ya kebal television chaaloo hain. Is beech, mukhyamantri umar abdulla ne kaha ki yadi Afzal ke parijan tihaad jail sthit usaki kabr par jaakar namaaj ada karna chaahate hain aur iske liye unase sampark karte hain to vah har sambhav madad kareinge. Unhonne yah baat somvaar shaam ek radio channel se kahi. Mukhyamantri ne yah bhi kaha ki ghaati mein kaanoon evam vyavastha ki sthiti se niptate vakt suraksha balon ko adhiktam sanyam baratne ke aadesh diye gaye hain. Udhar, pradarshan ke dauraan ab tak teen logon ki maut ho chuki hai. Inmein se ek ki maut suraksha balon ki goli se hui hai, do ki doobne se. Uttari Kashmir ke gaandarabal jile mein baitavina gaanv ke logon ka kehna hai ki do yuvakon ki maut doobne se ho gayi, kyonki suraksha balon dvaara unhein khadeda ja raha tha, jisse darakar unhonne nadi mein chhalaang laga di. Vaheen, police ka kehna hai ki yuvakon ki maut Jhelum nadi mein nauka doobne se hui. Raajya sarkaar ne ghatna ki magistrate jaanch ke aadesh diye hain. Saath hi mrutakon ke parijanon ko sahaayata raashi dene ki ghoshana ki hai. Kashmir ghaati mein mangalvaar ko lagaataar teesare din kisi sthaaneeya samaachaar-patra ka prakaashan naheen huaa. Sthaaneeya sampaadakon ne bataaya ki unhein anaupachaarik tareeke se bataaya gaya hai ki ve apne samaachaar-patron ka sanpaadan shukravaar tak rok dein. Dainik 'Kashmir imej' ke sampaadak basheer manjar ne kaha, yadi prashaasan ne aisa afavaahon ko rokane ke liye kiya hai to yah bahut galat nirnaya hai. Kebal television ka sanchaalan aur Internet suvidhaaen bhi shreenagar mein band hain. Beeesaenael braudabaind upabhoktaaon ka haalaanki kehna hai ki unki seva chal rahi hai. Is beech, alagaavavaadi hurriyat conference ke kattarpanthi dhade ke neta Sayyed Ali shaah gilaani ne logon se kaha hai ki ve shukravaar tak pradarshan karte hain, jab idagaah maidaan tak March ki ghoshana ki gayi hai. Unke pravakta ne samvaadadaataaon se kaha, ham Afzal ka shav uske parijanon ko saunpane ki maang kareinge.

Kashmir Mein Curfew Jaari, Naheen Chhap Rahe Samaachaar Patra http://www.angrejinews.com/pic/1732