Kashmir Mein Agava Kiye Gaye Javaan Ki Hatya, Shav Mila

Breaking »

Kashmir Mein Agava Kiye Gaye Javaan Ki Hatya, Shav Mila

Shreenagar Jammu-Kashmir ke pulavaama mein aatankvaadiyon ne guruvaar ko sena ke jis javaan apaharan kiya tha, usaki der shaam hatya kar di. Sena ke javaan aurangajeb ka shav pulavaama ke gooso ilaake mein paaya gaya hai. Aurangajeb punchh jile ke nivaasi the. Javaan ke agava hone ki khabar ke baad se police aur sena ne talaashi abhiyaan chala rakha tha. Reports ke anusaar, aurangajeb usi commando group ka hissa the, jisne hijbul commander sameer tiger ko maar giraaya tha. Reports ke mutaabik, aurangajeb 44 raashtreeya rifles mein bataur raaifalamain shopiyaan jile mein tainaat the. Aatankiyon ne us vakt aurangajeb ka apaharan kiya, jab vah Eid ki chhutti lekar ghar laut rahe the. Aurangajeb ainti-terar group ke sadasya the. Padhein- Kashmir: Eid ke baad aatankiyon par toot padegi sena? Pulavaama aur aaspaas ke ilaake mein aatanki kaafi sakriya hain. Aatankvaadiyon ne Budhvaar der raat hi ek sthaaneeya naagrik aur policekarmi ko bhi agava kar liya tha. In donon ka ab tak koi suraag naheen lag paaya hai. Agava policekarmi ki pehchaan mohammad ishk Ahmad ke roop mein hui hai aur vah ek special police officer (esapeeo) hain. Vaheen agava kiye gaye sthaaneeya naagrik ki pehchaan filhaal naheen ho pai hai.

Kashmir Mein Agava Kiye Gaye Javaan Ki Hatya, Shav Mila http://www.angrejinews.com/pic/209633