Kashmir Maare Gaye Aatankiyon Ke Mukaabale Giraftaar Ki Sankhya Kaafi Jyaada

India »

Kashmir Maare Gaye Aatankiyon Ke Mukaabale Giraftaar Ki Sankhya Kaafi Jyaada

Nai Delhi Jammu-Kashmir police ne pichhle saal maare gaye aatankiyon ke mukaabale chaar guna jyaada aatankiyon ko giraftaar kiya hai. Hamaare sahayogi times of India ko mile militeinsi deta ki maanein to 2007 ke baad pichhle saal sabse jyaada 240 aatanki maare gaye. Vaheen 2018 mein giraftaar aatankiyon ki sankhya pichhle ek dashak ki sabse jyaada hai. Pichhle saal 800 se jyaada aatanki aur aavaragraaund workers giraftaar kiye gaye. Ek army officer ne bataaya ki ovaragraaund workers ve log hain, jo kisi na kisi roop mein aatankiyon ki madad karte hain. Inmein se kai aatankiyon ke liye funding aur hathiyaaron ka intajaam bhi karte hain. Unhonne bataaya ki ovaragraaund workers aam taur par sthaaneeya naagrik hote hain, inhein Kashmir mein aatankiyon ki reedh bhi maana jaata hai. Unhonne kaha ki ovaragraaund workers ki madad ke bina aatankiyon ka Kashmir mein opareshans ko anjaam dena mushkil ho jaaega. 2014 mein jitne aatanki giraftaar kiye gaye the utane hi maare bhi gaye the. Vaheen aatanki buraahan vaani ke maare jaane ke baad ghaati mein maare jaane vaale aatankiyon ki sankhya giraftaar aatankiyon ya ovaragraaund workers ki sankhya ke mukaabale kaheen jyaada hai.

Kashmir Maare Gaye Aatankiyon Ke Mukaabale Giraftaar Ki Sankhya Kaafi Jyaada http://www.angrejinews.com/pic/247267