Karnataka Sarkaar Aasaan Kar Rahi Pedon Ki Kataai, Paryaavaranavidon Ko Chinta

Breaking »

Karnataka Sarkaar Aasaan Kar Rahi Pedon Ki Kataai, Paryaavaranavidon Ko Chinta

Bengaluru Karnataka sarkaar pedon ko kaatne ke liye anumati lene ki prakriya khatm karne ki koshish mein hai. Karnataka ped sanrakshan kaanoon 1976 mein sanshodhan laakar aisa kiya ja sakta hai. Isse paryaavaranavidon ko dar hai ki Bengaluru mein lage pedon ko sadkon aur flaaiovaron ke nirmaan ke liye berokatok kaat diya jaaega. Vidhaanasabha mein shukravaar ko yeh bill pesh kiya gaya tha. Yadi yeh bill paas ho gaya to lagbhag 50 prajaati ke pedon ko kaatne ke liye kisi tarah ki anumati ki jaroorat naheen padegi. Ismein gulamohar, Indian koral, renatri, sopanat, maalaabaar neem, aadi shaamil hain. Bengaluru ke logon ko dar hai ki is bill ke paas hone se Karnataka sarkaar ko steel flaaiovar ke nirmaan ke liye 852 ped kaatne se roka naheen ja sakega. Gaurtalab hai ki is prastaav ka kaafi samay se virodh ho raha tha. Daraasal ka kehna hai ki yeh bill isliye laaya ja raha hai taaki kisaanon ke liye ped kaatna aasaan kiya ja sake. Haalaanki, bill mein shaamil kiye gaye pedon mein se kuchh hi aise hote hain jinhein kisaanon ko kaatne ki jaroorat hoti hai. Paryaavaranavid hairaan hain ki bill ke tahat shahar ke bade hisse mein aane vaale gulamohar aur renatri ko bhi shaamil kiya gaya hai. Bengaluru mein pradooshan ke khatarnaak star par pahunchane se jahaan ek or adhik ped lagaae jaane ki jaroorat hai vaheen, sarkaar aisa bill laakar pedon ki kataai ka raasta aasaan kar rahi hai. Ped hava se pradooshan kam karne mein madad karte hain aur taapamaan bhi niyantran mein rakhate hain. Bata dein ki aisa pehli baar naheen hua hai jab sarkaar ne pedon ko kaatne ki prakriya aasaan ki ho. Isse pehle 2015 mein laae gaye sanshodhan se 50 se kam ped kaatne ke liye anumati na lene ka praavadhan laaya gaya tha. Sadkon aur anya nirmaanakaaryon ko badhaava dene ke liye aisa kiya gaya tha. Is khabar ko angreji mein padhein.

Karnataka Sarkaar Aasaan Kar Rahi Pedon Ki Kataai, Paryaavaranavidon Ko Chinta http://www.angrejinews.com/pic/192639