Karnataka Maandya Ke Gaanvon Mein Todi Gayi Moortiyaan, Saampradaayik Tanaav

India »

Karnataka Maandya Ke Gaanvon Mein Todi Gayi Moortiyaan, Saampradaayik Tanaav

Maandya Karnataka ke maandya jile mein mandiron mein todfod ka maamala saamane aaya hai. Yahaan ke besaagaaraahalli police station ke tahat aane vaale vibhinn gaanvon mein upadravi tatvon ne mandiron mein todfod ki aur moortiyon ko nuksaan pahunchaaya. In ghatnaaon se ilaake mein saampradaayik tanaav fail gaya hai. Besaagaaraahalli gaanv ke paas pattaalaadamma mandir mein upadravi tatvon ne Bhagwan ki moortiyon ko churaane ke baad uske tukade kar diye. Moorti ka sir paas ke khet mein baraamad hua. Isi tarah pannedoddi aur hombalegaudaanaadoddi gaanv mein Bhagwan hanumaan ki kaansya ki moorti tooti avastha mein pai gayi. Besaagaaraahalli aur aaspaas ke ilaake mein mandiron mein lagaataar todfod aur chori ki ghatnaaon se maahaul tanaavagrast hai. Todkar feinki gayi moortiyon ko dekhkar shraddhaaluon mein gussa hai. Moortiyon ke hisse alag-alag vibhinn dishaaon mein feinke mile. Ek sthaaneeya naagrik shreedhar ne kaha, 'Gaanvon mein kuchh upadravi tatv lagaataar saampradaayik tanaav paida karne ki koshish kar rahe hain. Police ko ispar kadi kaarravaai karni chaahiye. ' Senior police adhikaari ne mandiron ka daura kiya aur logon se vaada kiya ki aaropiyon ko jald hi arest kiya jaaega. Unhonne dhaarmik sthalon ke paas police ki patrolling ko badhaane ka bhi faisala kiya. Is sambandh mein case bhi darj kar liya gaya hai.

Karnataka Maandya Ke Gaanvon Mein Todi Gayi Moortiyaan, Saampradaayik Tanaav http://www.angrejinews.com/pic/253241