Karnataka Chunaav Ticket Bantate Hi Congress Mein Shuroo Hua Hangaama, Siddhaaramaiya Par Manamaani Ke Aarop

Breaking »

Karnataka Chunaav Ticket Bantate Hi Congress Mein Shuroo Hua Hangaama, Siddhaaramaiya Par Manamaani Ke Aarop

Bengaluru Congress ne jaise hi Karnataka vidhaanasabha chunaavon ke liye 218 kaindidet ki list jaari ki vaise hi party mein hangaama shuroo ho gaya. Karnataka mein satta bachaane ki ladaai lad rahi hai Congress mein ticket bantavaare se naaraaj netaaon ke bagaavati sur saamane lage hain. Kai naaraaj netaaon ne party se isteefa dene ki chetaavani di hai to pradesh bhar mein kai jagahon par ansushton va unke kaaryakartaaon ka pradarshan chal raha hai. Saari bandookein CM siddhaaramaiya ki taraf uthi hain, jinpar netaaon ne manamaani karne ke aarop lagaae hain. Congress ki list par Karnataka ki hangal, maayaakonda, jagalur, tiptur, kunigl, kolaar, kollegal, beloor, badaami, kittoor, nelamangala aur anya kai vidhaanasabhaaon mein asantasho ke svar mukhar hue hain. Hangal vidhaanasabha se vartamaan vidhaayak aur poorv eksaaij ministar manohar tahaseeladaar ke samarthakon ne unka ticket katane par pradarshan kiya hai. Jagalur se vartamaan vidhaayak echapi raajesh ka bhi ticket kata hai aur vah siddhaaramaiya se milne Bengaluru gaye hue hain. Bengaluru Rural: Supporters of Congress leader Anjana Murthy protest after he was denied a ticket from Nelamangala‚Ķ https: //t. Co/82wwvwIA5G— ANI (@ANI) 1523859543000 Kittoor se party ne ticket ki ghoshana naheen ki hai. Yahaan se deebi inaamadaar lagaataar paanch baar se vidhaayak hain. Aisa maana ja raha hai ki Congress unke rishtedaar baabaasaahab Patil ko ticket de sakti hai. Aise mein inaamadaar ke samarthakon mein bhi rosh hai. Rooral Bengaluru ki nelamangala vidhaanasabha se Congress neta anjana murthi ke samarthakon ne sadak par jaam laga, tyre jala kar pradarshan kiya hai. Yahaan se Congress ne aar naaraayanasvaami ko ticket diya hai. Isse pehle shanivaar ko varishth Congress neta pi ramesh ne seevi raman nagar se jedeees ke tikch par chunaav ladne ka ailaan kar chuke hain. 2013 mein is seat par Congress ke ticket par chunaav ladne ke baad bhi pi ramesh ko haar mili thi. Ramesh ne Karnataka CM par hamla karte hue kaha tha ki yeh indira ki Congress naheen hai balki siddhaaramaiya ki tugalak Congress hai. Aisa kaha ja raha hai ki siddhaaramaiya ne unase jagah mayor aar sanpat raaj ki daavedaari ke liye apna daava chhodne ko kaha tha. Congress ke sootron ka kehna hai ki party netaaon ke beech ubhare ye matabhed daraasal mallikaarjun khadge aur DK shivkumaar jaise netaaon ke beech ki ranjish ki hi abhivyakti hai. Sootron ka kehna hai ki ye donon netaaon ke beech ki gutbaaji asar dikha rahi hai. Haalaanki in sabke beech naaraaj netaaon ke nishaane par filhaal siddhaaramaiya hi hain. Ticket paane se vanchit kuchh netaaon ne unhein taanaashaah tak bata daala hai. Congress ke liye Karnataka bachaane ki chunauti, party daimej control mein juti Desh ki raajaneeti mein lagaataar simtati ja rahi Congress ke saamane Karnataka ke kila ko bachaane ki chunauti hai. Rahul Gandhi mega rally kar rahe hain aur Congress ne siddhaaramaiya ko poori taakat de rakhi hai. Aise mein siddhaaramaiya par diktetaraship ke aarop Congress ke liye jhatke se kam naheen hain. Party turant daimej control mein jut gayi hai. Congress ne varishth netaaon ki 4 team banaai hai. Inhein naaraaj netaaon ko manaane ki jimmedaari mili hai.

Karnataka Chunaav Ticket Bantate Hi Congress Mein Shuroo Hua Hangaama, Siddhaaramaiya Par Manamaani Ke Aarop http://www.angrejinews.com/pic/201110