Kargil Yuddh Ke Shaheed Ke Shahar Mein Narendra Modi Ne Lagaai Guhaar, Kaha, Ye Dil Maange Mor

Breaking »

Kargil Yuddh Ke Shaheed Ke Shahar Mein Narendra Modi Ne Lagaai Guhaar, Kaha, Ye Dil Maange Mor

Paalamapur (Himachal): bhaarateeya janta party ke PM pad ke ummeedavaar Narendra Modi ne Himachal pradesh ke paalamapur mein ek chunaavi rally ki aur apne andaaj mein Congress par ek baar fir jordaar hamla bola. Is rally mein Modi ne logon se kaha ki unhein 300 kamal waali sarkaar chaahiye. Narendra Modi ne Kargil yuddh ke dauraan shaheed hue captain vikram batra ki yaad logon ko taaja karaate hue kaha ki ye dil maangein mor. . . Modi ne Congress ko dhokhebaaz party bataaya aur kaha ki Congress ka ghoshanaapatr naheen, dhokhaapatr hai. Is seat se BJP ke shaanta Kumar chunaav lad rahe hain. Modi ne ek baar fir kaha ki desh ko shaasak naheen sevak chaahiye. Unhonne apne beeton dinon ki yaad taaja karte hue kaha ki sankat ke vakt main Himachal se Gujarat gaya tha. Gujarat mein bhookamp aaya tha aur mainne teen saal ke andar Gujarat ko khada kiya. unhonne fir Gujarat ke toorijm ko badhaane ka daava kiya aur kaha ki aatankvaad baantata hai aur toorijm jodata hai. Unka daava hai ki Himachal mein kai yojanaaen atakeen hui hain. unhonne janta ko sambodhit karte hue kaha ki maan−bete ki okseejan par yeh kendra ki sarkaar chalti hai. Modi ka kehna hai ki desh ki gaadi gahari khaai mein padi hai aur dheelee−dhaali sarkaar kismat naheen badlegi. Narendra Modi ne logon se appeal ki ki shaasakon ko aapne 60 saal diye hain aur ab sevak ko keval 60 maheene deejiye. Modi ka kehna hai ki is baar neta naheen janta chunaav lad rahi hai. Unhonne kaha ki 18 se 28 ke naujavaan jokhim naheen le sakte hain. ullekhaneeya hai ki Kargil yuddh mein shaheed hue captain vikram batra ko maranoparaant desh ke sarvochch sammaan paramaveer chakr se sammaanit kiya gaya tha. Captain vikram batra ka janm paalamapur mein hi hua tha.

Kargil Yuddh Ke Shaheed Ke Shahar Mein Narendra Modi Ne Lagaai Guhaar, Kaha, Ye Dil Maange Mor http://www.angrejinews.com/pic/48992