Kamal Quraan Ke Shabd Hataane Ko Taiyaar, Court Ne Barkaraar Rakha Ban

Movies »

Kamal Quraan Ke Shabd Hataane Ko Taiyaar, Court Ne Barkaraar Rakha Ban

Chennai: Nirdeshak-abhineta kamal Hassan apni mega bajat film 'Vishvaroopam' mein se Quraan shareef se jude kuchh vivaadaaspad shabdon ko hataane par sahamat ho gaye hain, lekin Madras High Court ki badi bench ne film par Tamil Nadu sarkaar dvaara lagaae gaye pratibandh ko barkaraar rakhane ka faisala suna diya hai. High Court ke faisale ke khilaaf kamal Hassan guruvaar ko Supreme court mein appeal daayar kar sakte hain. Dopahar baad kamal Hassan ne kaha, mere muslim bhaaiyon ne mujhse baat ki, aur humne maamala shaantipoorvak nipta liya hai. Ab mere aur muslim bhaaiyon ke beech koi matabhed naheen rah gaye hain. Unhonne yah bhi kaha ki ab yah raajya sarkaar ki jimmedaari hai ki vah sunishchit kare ki kisi ka bhi nusasaan na ho. Lekin iske baavajood 'Vishvaroopam' Tamil Nadu mein release naheen ki jaaegi, kyonki Madras High Court ki singal-judge bench dvaara mangalvaar ko diye gaye pratibandh hata dene ke faisale ko raajya sarkaar ki appeal par badi bench ne palat diya hai. Gaurtalab hai ki film par vivaad se aahat kamal Hassan ne din mein kaha tha ki agar unhein insaaf naheen mila to vah desh tak chhod sakte hain.

Kamal Quraan Ke Shabd Hataane Ko Taiyaar, Court Ne Barkaraar Rakha Ban http://www.angrejinews.com/pic/522