Kamal Hassan Ko 'Vishvaroopam Se Ghantebhar Ke Ansh Kam Karne Ko Kaha Gaya Sootr

Movies »

Kamal Hassan Ko 'Vishvaroopam Se Ghantebhar Ke Ansh Kam Karne Ko Kaha Gaya  Sootr

Chennai: Sootron se mili jaankaari ke anusaar filmkaar kamal Hassan ko unki film 'Vishvaroopam' mein se kam se kam ek ghante ke anshon ko hataane ke liye kaha gaya hai. Sootron ne yah bhi bataaya hai ki filhaal vah ispar sahamat naheen hain. Isse pehle, Madras High Court ne nirdeshak-abhineta kamal Hassan ki mega-bajat film 'Vishvaroopam' ke pradarshan par faisala mangalvaar tak ke liye taal diya, aur kamal Hassan ko salaah di ki vah sarkaar se baat karke masale ka 'Shaantipoorn samaadhaan' nikaalne ki koshish karein. Adaalat ki rai mein yah maamala desh ki ekta se juda hai aur is par sanjeedagi se vichaar karne ki jaroorat hai. Ullekhaneeya hai ki 'Vishvaroopam' ko Tamil Nadu sarkaar ne muslim sangathanon dvaara virodh kiye jaane ke chalte 'Saampradaayik sadbhaav banaae rakhane' ke uddeshya se pratibandhit kar diya tha. Muslim sangathanon ko is film mein muslim kirdaaron ke chitran ka tareeka uchit naheen laga tha. Udhar, kamal Hassan dvaara is pratibandh ke khilaaf daayar yaachika par sunavaai ke baad Madras High Court ne shanivaar ko film dekhi thi, aur faisala somvaar ko sunaane ki baat kahi thi, lekin ab kamal Hassan ko baatcheet ke jariye masale ka 'Shaantipoorn hal' nikaalne ki salaah di gayi hai.

Kamal Hassan Ko 'Vishvaroopam Se Ghantebhar Ke Ansh Kam Karne Ko Kaha Gaya Sootr http://www.angrejinews.com/pic/349