Kamal Hassan Ke Saath Aae Rajnikant, Kaha, 'Vishvaroopam Ka Virodh Chhodein Muslim

Movies »

Kamal Hassan Ke Saath Aae Rajnikant, Kaha, 'Vishvaroopam Ka Virodh Chhodein Muslim

Ab dakshin bhaarateeya superstar Rajnikant bhi mega-bajat film 'Vishvaroopam' ke nirdeshak-abhineta kamal Hassan ke saath aa khade hue hain, aur unhonne muslim sangathanon se film ko release hone dene ki appeal ki hai. Rajnikant ne kamal Hassan ko apna 40 saal puraana dost bataaya aur kaha ki kamal ek aise vyakti hain, jo kabhi kisi ko thes naheen pahunchaate. Rajnikant ne shukravaar ko ek bayaan mein kaha, "Censor board se anumati milne ke baavajood kamal Hassan ne muslim bhaaiyon ki maang ke anuroop unke liye film ki vishesh screening rakhi. Hassan ka yeh kaarya muslim samudaaya ke prati unke pyaar, aur sammaan ki bhaavana ko darshaata hai. " Unhonne kaha, "Film nirmaan mein 100 karod rupaye laga dene vaale kamal ke saamane aa rahi pareshaaniyon mein main unke saath hoon. Kamal koi aam kalaakaar naheen hain. Vah ek mahaan kalaakaar hain, jo tamil cinema ko antararaashtreeya star tak lekar gaye. Main muslim bhaaiyon se nivedan karta hoon ki ve is maamale mein aage aaen aur poorn pratibandh ki apni maang ko chhod dein. " Sabhi muslimon ko milaad-un-nabi ki shubhakaamanaaen dete hue Rajnikant ne kaha, "Main unase anurodh karta hoon ki ve kamal ke America se lautane par unke saath baatcheet karein aur film ki mool kahaani mein badlaav kiye bina thoda sudhaar laakar film ke pradarshan mein unki madad karein. " Daraasal, 'Vishvaroopam' ko Tamil Nadu sarkaar ne muslim sangathanon dvaara virodh kiye jaane ke chalte 'Saampradaayik sadbhaav banaae rakhane' ke uddeshya se pratibandhit kar diya tha. Muslim sangathanon ko is film mein muslim kirdaaron ke chitran ka tareeka uchit naheen laga. Udhar, kamal Hassan dvaara is pratibandh ke khilaaf daayar yaachika par sunavaai karte hue Madras High Court ne bhi kal shaam pratibandh hataane se inkaar karte hue kaha tha ki saptaahaant ke dauraan ek judge film ko dekhne ke baad somvaar ko us par nirnaya dega. Kamal Hassan ne sarkaar ke pratibandh ko 'Saanskrutik aatankvaad' bataate hue kaha tha ki unhonne isse jyaada 'Muslimon ki pakshadhar' film kabhi naheen dekhi hai.

Kamal Hassan Ke Saath Aae Rajnikant, Kaha, 'Vishvaroopam Ka Virodh Chhodein Muslim http://www.angrejinews.com/pic/359