Kaanooni Paintare Aur Lingaayat Card Se Vipakshi Vidhaayakon Ka Samarthan Haasil Karegi BJP

Breaking »

Kaanooni Paintare Aur Lingaayat Card Se Vipakshi Vidhaayakon Ka Samarthan Haasil Karegi BJP

Ke aar baalaasubramanyam, Bengaluru BJP ke sheersh neta is baat ko lekar poori tarah se aashvast hain ki Karnataka ke mukhyamantri Bi S yediyurappa + vidhaanasabha mein vishvaas mat haasil kar leinge. BJP flor test ke liye morchaabandi to kar hi rahi hai, doosari taraf Congress ke lingaayat vidhaayakon ko apne taraf karne ki bhi koshish mein juti hai. Raajaneetik sanketon par najar daalein to spasht hai ki guruvaar ko yediyurappa lingaayat math pahunche aur vahaan unhonne sant shivkumaar svaami ka aasheervaad liya. Haalaanki, abhi party ke paas bahumat se saat vidhaayak kam hain. BJP ki alpamat waali sarkaar ko agar satta mein bana rahana hai, to use vidhaanasabha mein maujood sadasyon ka bahumat haasil karna hoga. Operation kamal naheen hai BJP ki yojana? BJP + ke varishth netaaon se hamaare sahayogi akhbaar ikanaumik times ki baatcheet hui. Unka kehna hai ki unhein Delhi mein maujood apne haaikamaan par poora bharosa hai. Haalaanki, ve party ki maujooda rananeeti par jyaada baat naheen karna chaahate the. Is samay BJP ke paas jyaada vikalp naheen hain. Party 'Operation kamal' ki bhi koshish naheen kar rahi hai. Yeh ek rananeeti hai, jiska usane isi tarah ki paristhitiyon mein prayog kiya tha. BJP ne 'Operation kamal' ke tahat vipakshi party ke vidhaayakon ko unki seat se isteefa dila diya tha aur unhein apne ticket par ladaakar jaadui aankada haasil kiya tha. Padhen: SC mein yediyurappa ka pehla test, jaaniye kya ho sakta haikaanooni salaahakaaron ki rai le rahi hai BJP BJP ke kaanooni salaahakaar ainti-difekshan law (dal-badal kaanoon) ki stadi kar rahe hain. Ve is baat ka tod nikaalne ki koshish kar rahe hain ki kis tarah se vipakshi party ke vidhaayak bina ayogya ghoshit hue sarkaar banaane mein madad kar sakte hain. BJP kaanoonan vipakshi party ke dhade ko party mein shaamil karne ki yojana naheen bana rahi hai. Yeh kaafi badi chunauti hai. Iske liye jedeees (37) aur Congress (78) ke ek-ek tihaai sadasyon ko apne paksh mein laana hoga. Mukhyamantri yediyurappa ne shapath lene ke baad apni pehli press conference mein Congress aur jedi (S) ke sadasyon se apne vivek ke anusaar vote karne ki appeal ki. BJP ne apni rananeeti ka khulaasa naheen kiya hai, lekin sambhaavana jataai ja rahi hai ki vishvaas mat vaale din vipakshi party ke vidhaayakon ko ek bharosemand hissa voting se door rah sakta hai. Teesari baar CM bane yediyurappa, kya kaaryakaal poora kar paaenge? X dal-badal kaanoon par ho raha hai vichaar Party ke kaanoonavidon ki soch ke mutaabik, vidhaanasabha mein shapath lene se pehle kisi bhi sadasya par uske dal ka nirdesh laagoo naheen hota hai. Yeh cheej unhein ainti-difekshan law (dal-badal kaanoon) se bachaati hai aur unki sadasyata barkaraar rakhati hai. Agar BJP ki rananeeti kaam karti hai, to ye vidhaayak apni party ko sharminda karna jaari rakheinge. Aisi paristhiti mein unhein party se nikaale jaane ka dar naheen rah jaaega. Iske baad party ko unke kaaryon ki anadekhi karni padegi. Vah unhein nishkaasit karne se bhi bachegi kyonki aisa karne se vidhaayak ko hi faayda hoga aur sattaadhaari dal mein shaamil ho jaaega. Padhein: Yediyurappa ne kaha, bahumat saabit karne ke liye hamein 15 dinon ki jaroorat naheen Lingaayat netaaon ko lubhaaegi BJP BJP ko kai lingaayat mathon se achhe taallukaat ke liye jaana jaata hai. Karnataka ke is pramukh samudaaya ko paanch saal baad mukhyamantri ki kursi haasil hui hai. BJP ke khud ke prayaas ke alaava lingaayat ke dhaarmik neta bhi vishvaas mat ke dauraan apne samudaaya ke vidhaayak ko BJP ke paksh mein vote karaane ke liye chaal chal sakte hain. Padhein: Hyderabad pahunchaae gaye Congress, JDS ke vidhaayak Ismein koi sandeh naheen ki BJP is samay sabse behtar siyaasi chaal rahi hai lekin ismein girne ki sambhaavana kaafi jyaada hai. Yahaan ek savaal ab bhi nikalkar aata hai. Shaayad yeh ho sakta hai ki BJP ki sarkaar aane vaale vishvaas mat ke dauraan girne se bach jaae, lekin vipakshi party ke jo vidhaayak BJP ke prati vafaadaar hain, unhein vah kitne samay tak sadan mein aane se rok sakti hai. Kya hoga agar vipaksh chhah maheene ke baad fir se avishvaas prastaav laata hai?

Kaanooni Paintare Aur Lingaayat Card Se Vipakshi Vidhaayakon Ka Samarthan Haasil Karegi BJP http://www.angrejinews.com/pic/205605