Jo Rahaane Ko Baahar Karna Chaahate The Vahi Team Mein Shaamil Karne Ki Kar Rahe Hain Maang Kohli

Breaking »

Jo Rahaane Ko Baahar Karna Chaahate The Vahi Team Mein Shaamil Karne Ki Kar Rahe Hain Maang Kohli

Seinchuriyn Bhaarateeya kaptaan viraat Kohli ne pehle test mein upakaptaan ajinkya rahaane ko team mein shaamil na karne ki aalochna karne par vaalon par nishaana saadha hai. Kohli ne kaha ki jo log pehle rahaane ki team se baahar rakhana chaahate the vahi log ab unhein team mein shaamil kiye jaane ki baat kar rahe hain. Kohli ne doosare test match se pehle kaha, 'Yeh kitni ajeeb baat hai ki kuchh hi hafton ya paanch dinon mein cheej kaisi badal gayi. Pehle test match se pehle kisi ne naheen socha tha ki unhein (rahaane) ko team antim ekaadash mein hona chaahiye aur ab achaanak anya vikalpon par vichaar kar rahe hain. ' Kaptaan Kohli ki yeh baat bhi hairaan karne waali hai ki pehle test mein rahaane ke chayan ko lekar ek baar bhi charcha naheen hui. Haalaanki jab rahaane ka naam antim ekaadash mein na dekhkar cricket ke kai jaankaar hairaan the. Videshi dauron par rahaane ka record shaanadaar hai aise mein sabhi ko pleing eleven mein unka naam hone ki ummeed thi. Kep taaun test mein Bhaarat ko south Africa ke khilaaf 72 ranon se haar ka saamana karna pada tha. Kohli ne kaha, 'Ek team ke taur par hamaare liye sahi santulan haasil karna aavashyak hai. Agar khilaadi us sanyojan mein fit hote hain jo ham team ke liye sochate hain to vah jaroor pleing eleven mein honge. Ham beshak baahar ki baaton par dhyaan naheen dete. ' Kohli ne aage kaha, 'Rahaane ek kvauliti ballebaaj hain. Unhonne south Africa aur desh se baahar har paristhiti mein shaanadaar pradarshan kiya hai. Videshi dauron par vah sambhavat: Hamaare sabse majaboot ballebaajon mein shaamil hain. ' bhaarateeya kaptaan ne ek baar fir doharaaya ki rohit sharma ka chayan maujooda form ko najar mein rakhakar kiya gaya hai. Unhonne kaha, 'Mainne pehle bhi saaf kiya hai ki aakhir kyon rohit ko rahaane par tarajeeh di gayi. ' Unhonne kaha ki vah doosare test mein rahaane ke chayan par abhi koi tippani naheen kar sakte. Kohli ne kaha, 'Main yeh naheen kah raha hoon ki ajinkya is match mein kheleinge ya naheen. Sabhi sanbhavaanaaen abhi khuleen hain, ham practice ke baad is par vichaar kareinge. '

Jo Rahaane Ko Baahar Karna Chaahate The Vahi Team Mein Shaamil Karne Ki Kar Rahe Hain Maang Kohli http://www.angrejinews.com/pic/188223