Ji Sampaadkon Ke Aagrah Par Shanivaar Ko Faisala Sunaaegi Adaalat

Business »

Ji Sampaadkon Ke Aagrah Par Shanivaar Ko Faisala Sunaaegi Adaalat

Nai Delhi: Delhi ki ek adaalat shanivaar ko ji network ke do sampaadkon ki yaachika par faisala sunaaegi jismein unhonne Delhi police ko unki aavaaj ka namoona lene se rokane ka aagrah kiya tha. Donon se Congress saansad naveen jindal ki company ke adhikaariyon dvaara kiye gaye sting operation mein record audio clip ka majamoon padhne ko kaha gaya tha. Sting kathit taur par 100 karod rupaye ki ugaahi ke prayaas mein unki bhoomika saabit karne ke aashay se kiya gaya tha. Atirikt mukhya metropolitan magistrate mukesh Kumar ne faisala kiya ki vah ji news ke sampaadak sudheer chaudhari aur ji business ke sampaadak sameer Ahluwalia ke aagrah par shanivaar ko apna nirnaya sunaaenge. Sampaadkon ne apne aagrah mein kaha tha ki jaanch ka vishay audio-video clip Delhi police ki aparaadh shaakha ke kabje mein hai aur unase iska majamoon padhne ko naheen kaha ja sakta. Unke aagrah ka virodh karte hue vishesh sarkaari vakeel Rajiv mohan ne kaha tha ki donon sampaadkon ko 21 December 2012 ko police ne unki aavaaj ke namoone record karne ke liye 21 December 2012 ko talab kiya tha, lekin unhonne apne vakeel ki salaah par aavaaj ke namoone dene se inkaar kar diya. Donon patrakaaron ki or se pesh vijay Agrawal ne kaha tha ki Delhi police ne audio ki pratilipi se 'Fansaane waali panktiyaan' padhaane ke aadhaar par unhein aavaaj ke namoone dene ke liye vivsh karne ki koshish ki thi.

Ji Sampaadkon Ke Aagrah Par Shanivaar Ko Faisala Sunaaegi Adaalat http://www.angrejinews.com/pic/67