Jaitley Ki Phone Nigraani Par Bhaajapa Ka Kada Rukh

India »

Jaitley Ki Phone Nigraani Par Bhaajapa Ka Kada Rukh

Nai Delhi: Bhaarateeya jamata party (bhaajapa) ne apne neta Arun Jaitley ki anadhikrut nigraani kiye jaane ko lekar gruh mantri susheel Kumar shinde se safaai ki maang ki. Is maamale mein giraftaar sipaahi ne haalaanki bataaya hai ki usane niji kaaranon se call ditel ikattha kiya tha. Bhaajapa ne ise ek gambhir maamala bataaya aur shinde se Jaitley ka phone call ditel muhaiya karaane ka aadesh dene vaale vyakti par khulkar saamane aane ko kaha. Jaitley Rajyasabha mein vipaksh ke neta hain. Bhaajapa ke adhyaksh Rajnath Singh ne kaha, "Jis tareeke se call ditel ikattha kiya gaya, usase maamala gambhir ho gaya hai. Is kaam ke peechhe jo bhi vyakti sanlipt ho use dandit kiya jaana chaahiye. '' Jaitley ki call ditel tak pahunchane ki koshish Delhi police ke ek 23 varsheeya sipaahi Arvind dabaas ne ki thi. Daraasal, vah Jaitley aur uttaraakhand ke ek neta ke beech sampark ko jaanchana chaahata tha. Uttaraakhand ke is neta ne uttaraakhand mein ek prauparti deal ka maamala Jaitley ke maarfat sulajhaane ka aashvaasan diya tha. Dabaas ko shukravaar ko Jaitley ke phone ditel tak pahunchane ki koshish karne ke aarop mein shukravaar ko giraftaar kiya gaya. Dabaas apne do saathiyon ke saath uttaraakhand mein reeyal state ka dhandha karta hai. Aise hi ek dhandhe mein usaka paisa fansa hua tha. Uttaraakhand ke ek neta ne Jaitley se apne parichay ka havaala dete hue paisa niklavaane ka bharosa dilaaya tha.

Jaitley Ki Phone Nigraani Par Bhaajapa Ka Kada Rukh http://www.angrejinews.com/pic/2044