Jetali Kamzor, Siddhoo Hote To Mukaabala Damadaar Hota Amarindar

Breaking »

Jetali Kamzor, Siddhoo Hote To Mukaabala Damadaar Hota  Amarindar

Amrutasar: Punjab ki amrutasar Loksabha seat se Congress ke pratyaashi tatha poorv mukhyamantri captain amarindar Singh ka kehna hai ki unke pratidvandvi bhaajapa neta arun jetali ki tulana mein maujooda saansad navajot Singh siddhoo zyaada damadaar pratyaashi hote. amarindar Singh ne arun jetali ko 'Halka pratyaashi' bataate hue koi mahatva naheen diya, aur samvaadadaataaon se baatcheet ke dauraan yeh poochhe jaane par ki kya navajot Singh siddhoo ke chunaav maidaan mein na hone se unhein faayda hua, unhonne kaha, ''Main aapko bata doon ki yeh (mukaabala) khatm ho gaya hai. . . Agar vah (navajot Singh siddhoo) vahaan hote to mere liye mukaabala kathin hota. . . Filhaal to koi ladaai hi naheen hai. . . Arun jetali koi pratyaashi hi naheen hain. . . Vah halke pratyaashi ho sakte hain, lekin vaastav mein meri ladaai akaaliyon ke saath hai. . . '' captain amarindar Singh ne kaha, ''Kya aapne mujhe jetali ke baare mein jyaada bolte suna. . . Hamesha baatein (bikram Singh) majeethiya aur baadal parivaar aadi ke baare mein huin. . . Isliye jetali ke saath prateekaatmak mukaabala hai. . . '' ullekhaneeya hai ki amrutasar seat par Budhvaar ko matadaan ho raha hai aur yahaan se Congress ne amarindar Singh ko tatha bhaajapa ne arun jetali ko maidaan mein utaara hai. Punjab ke poorv mukhyamantri ne kaha, ''Kuchh had tak iska faayda hoga, kyonki bhaajapa mein ekajutata naheen hai. . . Bhaajapa ke aadhe logon ki pasand navajot Singh siddhoo hain aur svaabhaavik hai ki siddhoo ke maidaan mein na hone se ve log naaraaj hain. . . '' doosari or arun jetali ne svarn mandir mein mattha teka aur baad mein samvaadadaataaon ko bataaya, ''Main yahaan aksar aata hoon aur aaj to khaas din hai, isliye apni paranparaaon ke mutaabik aasheervaad le raha hoon. . . Logon ke liye mera sandesh hai ki ve aage aaen aur matadaan karein. . . '' is beech, shiromani akaali dal ke neta tatha raajya ke up-mukhyamantri sukhabeer Singh baadal ne kaha ki Punjab mein koi satta virodhi lahar naheen hai, aur unhein 'Chaunkaane vaale nateejon' ki ummeed hai. Unhonne kaha, ''Punjab se, ham raajya ke naheen, balki raashtreeya chunaavon ke liye matadaan kar rahe hain. . . Pichhle chunaav (2012) mein satta-virodhi lahar ek kaarak thi. . . Is baar aap chaunkaane vaale nateeje dekheinge. . . Sirf 16 din shesh hain. . . ''

Jetali Kamzor, Siddhoo Hote To Mukaabala Damadaar Hota Amarindar http://www.angrejinews.com/pic/49107