Jet Aur Etihaad Ke Sheersh Adhikaari Ajit Singh Se Mile

Business »

Jet Aur Etihaad Ke Sheersh Adhikaari Ajit Singh Se Mile

Nai Delhi: Etihaad Airways tatha jet Airways ke sheersh kaaryakaariyon ne guruvaar ko naagrik uddayan mantri ajit Singh se mulaakaat ki. Yah mulaakaat is tarah ki charchaaon ke beech hui ki Abu Dhabi ki airlines desh ki pramukh vimaanan company mein 24 feesadi hissedaari ka adhigrahan karne ja rahi hai. Etihaad ke pratinidhimandal ki aguvaai company ke mukhya kaaryapaalak adhikaari (CEO) James haugan ne ki. Baithak mein jet Airways ke pravartak naresh Goyal bhi upasthit the. Haalaanki, baithak ke baare mein haugan aur Goyal ne kuchh naheen kaha. Naagrik uddayan mantri ajit Singh ne kaha ki donon airlines ke beech baatcheet chal rahi hai, isliye etihaad ka pratinidhimandal yahaan aaya hai. Ve is sambhaavit adhigrahan ke baare mein Goyal se baatcheet kar rahe hain. Savaalon ke javaab mein mantri ne kaha, Bhaarat mein nivesh karne ki ichhuk kisi bhi videshi airline ki kai chintaaen hain. Masalan neeti kya hai, laagat dhaancha kis prakaar ka hai. Ve is saude ke baare mein ek maah se adhik se baatcheet kar rahe hain. Sarkaar dvaara vimaanan kshetr mein pratyaksh videshi nivesh ki anumati diye jaane ke baad se baatcheet jaari hai. Yah poochhe jaane ki sauda kab tak hone ki ummeed hai, Singh ne kaha ki yah un par nirbhar karta hai. Donon pakshon ke beech jo bhi karaar ho, vah niyaamakeeya dhaanche ke anuroop hona chaahiye. Sarkaar ne pichhle saal September mein vimaanan kshetr mein FDI neeti mein badlaav karte hue videshi airlines ko bhaarateeya vimaanan companiyon mein 49 pratishat tak hissedaari khareedne ki anumati di thi.

Jet Aur Etihaad Ke Sheersh Adhikaari Ajit Singh Se Mile http://www.angrejinews.com/pic/664