Jet Airways Ke Pilot Naheen Kareinge Virodh Pradarshan

Business »

Jet Airways Ke Pilot Naheen Kareinge Virodh Pradarshan

Nai Delhi: Jet Airways ke piloton ne bakaaya vetan bhugataan mein deri ko lekar shukravaar ko baithak ki. Haalaanki piloton ne agale saptaah prabandhan ke saath baithak se pehle kisi prakaar ka virodh pradarshan naheen karne ka nirnaya kiya. Piloton ne yah nirnaya aise samay kiya hai, jab company apni hissedaari bechne ke liye etihaad Airways ke saath saude ko antim roop day rahi hai. Sootron ne bataaya ki kareeb 100 piloton ki chaar ghante chali baithak ke baad yah nirnaya kiya gaya ki agale saptaah mangalvaar ko prabandhan ke saath baithak se pehle virodh pradarshan naheen kiya jaaega. Us baithak ke baad guruvaar ko Mumbai mein fir se milne ka nirnaya kiya gaya hai. Jet Airways ke takaneeshiynon ne prabandhan ki taraf se 7 February ko baatcheet ka nyauta diye jaane par apna virodh pradarshan vaapas le liya hai. Ye karmachaari kathit taur par vetan vruddhi roke jaane ko lekar kaali patti baandhakar pichhle saptaah se virodh kar rahe the.

Jet Airways Ke Pilot Naheen Kareinge Virodh Pradarshan http://www.angrejinews.com/pic/890