Jeesadablyoo Enarji Ka Net Praufit Ghatkar Aadha

Business »

Jeesadablyoo Enarji Ka Net Praufit Ghatkar Aadha

[ iti bureau | Mumbai ] March 2014 timaahi mein power company jeesadablyoo enarji ka net praufit ghatkar takareeban aadha rah gaya hai. Company ne is dauraan 175 karod rupaye ka munaafa haasil kiya, jabki pichhle saal ke isi peeriyd mein company ko 336 karod rupaye ka net praufit hua tha. Company ke bayaan ke mutaabik, munaafe mein giraavat ki vajah intarest kaust mein badhotri, deprisiyeshan aur sector ki kharaab haalat rahi. Company ne Indonesia ki apni sabsidiyri Indonesia peeti param uttam jaya bech di hai, jisse use 8 karod ka achaanak faayda hua. Sabsidiyri ki deal 42 lakh dollar mein hui hai. Peeti param uttam jaya kol maaining se judi kansalteinsi muhaiya karaati hai. Jeesadablyoo enarji ke joint mainejing director aur CEO sanjaya saagar ne bataaya, 'Poore desh mein power ki demand mein susti hai. Isse humne 500 karod ke project ko rok diya hai. Poore desh ki distribyooshan companiyaan mushkil mein hain aur hamein ye projekts filhaal aarthik taur par tikaaoo naheen lag rahe hain. Haalaanki ham doosare root se aage badhne ko utsuk hain aur poore desh mein 6-7 projekts ka aakalan kar rahe hain. Ismein udupi mein lainko ka power project shaamil hai. Hamaara maanana hai ki power ki demand mein susti isliye naheen hai ki desh mein power saraplas hai, balki isliye ki is sector ke kai sansthaan vitteeya mushkil se joojh rahe hain. '

Jeesadablyoo Enarji Ka Net Praufit Ghatkar Aadha http://www.angrejinews.com/pic/49177