Jammu Kashmir Murgi Paalan Kshetr Ko Beema Kavach Pradaan Karega

Business »

Jammu Kashmir Murgi Paalan Kshetr Ko Beema Kavach Pradaan Karega

Jammu, 11 February (PTI) Jammu - Kashmir prashaasan murgeepaalan kshetr mein nivesh ko protsaahit karne ke liye is kshetr ko beema kavach pradaan karne ki taiyaari kar raha hai. Pravakta ne kaha ki is aashay ka nirnaya yahaan ke pashu, bhed aur matsya paalan vibhaag ke pramukh sachiv, asagar hasan saamoon ki adhyakshata mein ek uchch stareeya baithak mein liya gaya. Murgeepaalan kshetr ko beema kavar pradaan karne ki pahal, kukkat paalan udyamiyon ki lambe samay se chali aa rahi maang hai. Saamoon ne kaha, "Mujhe ummeed hai ki beema kavach ke saath, is kshetr ke udyami apne vyavasaaya ka vistaar karne aur apni ikaaiyon se utpaadan badhaane ke liye protsaahit honge. " unhonne kaha ki poltri faarmon mein beemaari ka prakop bahut kam hai, unhonne kaha ki aise mein kshetr ke liye beema kavar dena beema companiyon ke saath saath udyamiyon ke liye bhi laabh ki sthiti hai. Pradhaan sachiv ne beema companiyon ke adhikaariyon aur pratinidhiyon ko yojana ko aupachaarik roop se ek saptaah ke bheetar poora karne ke liye kaha. Unhonne kaha, "Is pahal ka uddeshya na keval paultri utpaadan mein aatmanirbharata haasil karna hai, balki Jammu-Kashmir ko is kshetr mein niryaatak raajya banaana hai. " saamoon ne murgeepaalan vikaas adhikaariyon ko nirdesh diya ki murgi paalan ikaaiyon ko svaasthya pramaan patra sunishchit karne ki hidaayat dete huye kaha ki aavedan karne ke teen din ke bheetar pramaan patra jaari kar diya jaana chaahiye.

Jammu Kashmir Murgi Paalan Kshetr Ko Beema Kavach Pradaan Karega http://www.angrejinews.com/pic/254142