Jaaniye, Punjab Mein Kya Hai Aam Aadmi Party Ke Bikhraav Ki Vajah

India »

Jaaniye, Punjab Mein Kya Hai Aam Aadmi Party Ke Bikhraav Ki Vajah

Chandigarh Punjab mein aam aadmi party ke neta rahe HS fulka aur fir sukhapaal Singh khaira ke party chhodne ke baad Punjab mein aam aadmi party ka bikhraav khulkar saamane aa gaya hai. Vaise yeh party ke liye achaanak aae jhatke jaisa naheen hai, kyonki Punjab mein vidhaanasabha chunaav ke baad se hi party gutbaaji aur bagaavat ka saamana kar rahi hai. Haalaanki yeh javaab har koi jaanana chaahata hai ki ek samay Punjab ko vikalp dene ki baat karne waali party jo apne pehle hi vidhaanasabha chunaav mein mukhya vipakshi dal bhi ban gayi thi, vah do saal ke bheetar hi is kadar kyon bikhr gayi. Chunaavi haar bani vajah Punjab vidhaanasabha chunaav mein aam aadmi party ne apni poori taakat jhonki thi. Chunaav se kuchh vakt pehle hi party ke raajya sanyojak suchcha Singh chhotepur ko adhyaksh pad se hata diya gaya aur un par party fund ke naam par paise maangane ka aarop bhi laga tha. Tab suchcha Singh ne party ke Delhi netaaon par aarop jade the. Chunaav se pehle party mein jyaada uthal-puthal naheen dikhi, lekin nateeje aane ke baad se hi party mein bhoochaal shuroo ho gaya. Punjab ke netaaon ne Delhi ikaai ke netaaon par khulkar aarop lagaane shuroo kar diye. Aisa kaha gaya ki aap ke Delhi vaale neta Punjab ko remote control se chalaana chaahate hain. Iske baad party ka poora sangathan fir se banaaya gaya. Sanjaya Singh ki jagah par maneesh sisodiya ko party ka Punjab inchaarj banaaya gaya. Bhagavant maan ko Punjab ka sanyojak banaaya gaya aur nae padaadhikaari bhi banaae gaye. Dakhal ghata, gutbaaji badhi 2017 ke Punjab chunaav ke baad aap ke Delhi netaaon ka Punjab mein dakhal na ke baraabar hi raha, lekin party mein gutbaaji badhti chali gayi. Party Punjab mein mukhya vipakshi dal hone ke baavajood koi asaradaar aandolan khada naheen kar pai. Arvind Kejriwal ke maanahaani ke ek maamale mein akaali dal neta vikram Singh majeethiya se maafi maangane ke baad Punjab ke netaaon ne fir se Delhi netrutv par savaal uthaane shuroo kar diye. Khaira ke saath aath vidhaayak bhi Haal mein party chhodne vaale sukhapaal Singh khaira ko party ne vidhaanasabha dal ke neta pad se pehle hata diya tha aur vah nilambit chal rahe the. Un par party virodhi gatividhiyon mein lipt hone ka aarop tha. Tab se hi khaira ke saath party ke kareeb 8 vidhaayak bhi bagaavati sur akhtiyaar kiye hue hain. Party ab jab Loksabha chunaav par focus kar rahi hai to Punjab mein gutbaaji aur netaaon ki naaraajagi ko door karne ke siva party ke paas doosra vikalp naheen hai. Haalaanki party ke liye vahaan hui uthal-puthal ki vajah se hue nuksaan ki bharpaai karna itna bhi aasaan naheen.

Jaaniye, Punjab Mein Kya Hai Aam Aadmi Party Ke Bikhraav Ki Vajah http://www.angrejinews.com/pic/247041