Jaaniye Nobel Puraskaar Aur 2018 Ke Nobel Vijetaaon Ke Baare Mein Sab Kuchh

Breaking »

Jaaniye Nobel Puraskaar Aur 2018 Ke Nobel Vijetaaon Ke Baare Mein Sab Kuchh

Nobel yaani duniya ke sabse pratishthit puraskaaron mein se ek. Yeh puraskaar sveedan ke alfred Nobel ke naam par diya jaata hai, jo vaigyaanik, kaarobaari aur hathiyaar nirmaata the. 1896 mein marne se pehle unhonne apne vaseeyat mein likha ki unka saara paisa Nobel foundation ke naam kar diya jaae aur in paison se Nobel praaij diya jaae. Nobel ke naam par kareeb saadhe teen sau peteint the, to paisa bhi bahut tha. Fir 1901 se Nobel praaij diye jaane shuroo hue. Yeh award medical science, fijiks, kemestri, pees, literature aur ikaunamiks ke kshetr mein sabse umda kaam karne vaalon ko diya jaata hai. 2018 mein 1 se 8 October ke beech is saal ke Nobel vijetaaon ka ailaan hua. Ham aapko bataaenge ki kis kshetr mein kin logon ko award mila aur inhonne samaaj mein kya yogadaan diya. #1. Medical science Kise mila: America ke James pi. Elisn aur Japan ke taasukoo honjo. Kyon mila: Imyoon chekapauint theory ke liye. Samaaj mein kya yogadaan: Hamaare shareer mein dher saari koshikaaen hoti hain. Inmein Cancer ki koshikaaen bhi hoti hain. Hamaare shareer ka imyoon system in kharaab koshikaaon ko pahachaanakar inhein khatm karne ki koshish karta hai. Rediyotherepi, keemotherepi ya surgery se Cancer waali koshikaaen khatm ki ja sakti hain. Lekin, Cancer failaane waali koshikaaon ko pakadna aasaan naheen hota hai. Agar ek baar ilaaj ke baad ye dobaara failati hain, to aur taakatavar ho jaati hain. To in vaigyaaniko ne vah proteen khoj liya hai, jo Cancer ke dauraan shareer ka imyoon system kamzor karta hai. Iska naam peedi-1 hai. In vaigyaaniko ne Cancer ke ilaaj ke liye imyoonotherepi ijaad ki. Imyoonotherepi mein shareer ka imyoon system Cancer sales aur is proteen ko nishaana banaata hai. Yaani Cancer ke ilaaj ka ek aur vikalp khul gaya hai. #2. Fijiks Kise mila: America ke orthar ashkin, France ke jeraard mouro aur Canada ki dona striklaind Kyon mila: Lejr fijiks ke kshetr mein apne kaam ke liye. Samaaj mein kya yogadaan: Aapne balb aur lejr laait ki roshani dekhi hogi. Balb ki roshani chaaron taraf failati hai, jabki lejr beam seedhi chalti hai. Aarthar ashkin ne aisa avishkaar kiya hai, jisse lejr beam ke jriye anuon aur paramaanuon ko pakada ja sakta hai. Jeraard mouro aur dona striklaind ko sanyukt roop se puraskaar diya gaya hai, jo ek hi maksad par kaam kar rahe the. Lejr beam ke jriye cheejon ko jalaaya bhi ja sakta hai. In donon vaigyaaniko ne chirpd pals enpleefikeshan ka avishkaar kiya, jisse lejr beam ki intesiti ko kam-zyaada kiya ja sakta hai. Maan leejiye aap plastic ki botal mein paani khaula rahe hain. To pehle ki takaneek mein vah botal jal jaati, lekin jeraard aur dona ke avishkaar se ab paani garm ho jaaega, lekin botal ko nuksaan naheen hoga. #3. Kemestri Kise mila: America ki fraanses arnauld, America ke George smith aur Britain ke gregari winter Kyon mila: Daayarekted ivaulyooshan aur fej disple ke kshetr mein nai khojon ke liye. Samaaj mein kya yogadaan: In teenon vaigyaaniko ne daayarekted ivaulyooshan aur fej disple ke kshetr mein nai khojein ki hain. Ise samajhne ke liye hamein daarvin ke paas jaana hoga. Daarvin ki thyoreej ke mutaabik jeevon mein aanuvaanshik taur par badlaav aate rahate hain, jisse kai hajaar saalon mein ek nae kism ke jeev taiyaar hote hain. Lekin praakrutik roop se yeh prakriya bahut lambi hai. In vaigyaaniko ne jo khojein ki hain, usase yeh prauses tej kiya ja sakta hai. Daayarekted ivaulyooshan ke jriye nae enjaaim bana sakte hain aur fej disple ke jriye behtar medical enteebaudi divelap ki ja sakti hai. In khojon ka istemaal insaani shareer ke alaava jaiv-indhan jaise oorja ke saste vikalp aur Cancer jaisi beemaariyon se ladne ke liye kiya ja sakta hai. #4. Pees (shaanti) Kise mila: Iraq ki Nadia muraad aur Africa ke democratic ripblik of kaango ke denis mukavej Kyon mila: Nadia ne yaun hinsa ke khilaaf muhim chalaai. Denis ne yaun hinsa ki shikaar mahilaaon ka ilaaj kiya. Samaaj mein kya yogadaan: 25 saal ki Nadia ko aatanki sangathan islaamik state ne agava kar liya tha. Unka teen maheene tak shoshan hua. Kisi tarah chhootane ke baad unhonne bataaya ki kaise IS aatanki din-raat yajeedi ladkiyon ka rape karte the aur man bharne par bech dete the. Unhonne iske khilaaf aavaaj uthaai, jise duniyaabhar mein suna gaya. 2016 mein vah sanyukt raashtra ki gudavil ainbaisadar banaai gain. Nadia shaanti ka Nobel paane waali pehli Iraqi naagrik hain. Kaungo ke denis mukavej ko 'Doctor miraikal' ke naam se jaana jaata hai. Unhonne apni saari jindagi kaango mein yaun hinsa se peedit mahilaaon ke ilaaj mein bitaai. Inmein se adhikaansh mahilaaen kaango mein lambe samay tak chale gruhayuddh ke dauraan yaun hinsa ki shikaar hui theen. Denis ne na sirf mahilaaon ka ilaaj kiya, balki koi aikshan na lene par kaango samet kai deshon ki sarkaaron ki aalochna bhi ki. #5. Ikaunamiks Kise mila: Ameriki arthashaastri (ikaunamist) William di. Naurdahaus aur paul M romar Kyon mila: Jalavaayu parivartan par nai takaneek ki khoj ke liye. Samaaj mein kya yogadaan: William aur paul maikroikaunamiks se taalluk rakhate hain. Donon ne prakruti aur market ikaunami ke beech rishte ko vistaar dene vaale model banaae hain aur jalavaayu parivartan se hone vaale nuksaan ko rokane ke tareekon par khoj ki hai. 21veen sadi mein poori duniya ke saamane global vaurming aur ikaunamik divelapameint do sabse bade savaal hain. In donon arthashaastriyon ne apni thyoreej mein in aham savaalon ke javaab diye hain ki kaise duniya ke desh prakruti ko nuksaan pahunchaae bina apni aarthik vruddhi ko lambe samay tak banaae rakh sakte hain. William ko jalavaayu parivartan ikaunamiks ka pitaamah kaha jaata hai, jabki paul world bank ke senior vaais prejideint hain. #6. Saahitya (literature) Kise mila: Kisi ko naheen. Kyon naheen: Is saal kisi ko bhi saahitya ka Nobel naheen diya jaaega, kyonki Nobel puraskaaron ki ghoshana karne waali 'Di sveedish committee' kai jhanjhaavaton se gujri hai. Is committee mein 18 sadasya hote hain. Iski ek sadasya katareena fraustenashan ke fataugrafar pati jeen klod anaurlt par yaun utpeedn ka aarop laga aur fir rape ke jurm mein do saal ki saja sunaai gayi. Iske alaava jeen par aarop laga ki unhonne saat baar Nobel vijetaaon ke naam aadhikaarik ghoshana se pehle leek kar diye. Jaahir hai ki vah apni patni ki vajah se aisa kar paae. Committee ke tamaam log chaahate the ki katareena ko committee se baahar kiya jaae aur iske liye teen sadasyon ne isteefa bhi de diya. Lekin, katareena ne sadasyata naheen chhodi. Is poore vivaad ke dauraan 3 May ko academy ne faisala liya ki vah is saal saahitya ka Nobel naheen degi, kyonki aisa karne par Nobel ki pratishtha kam ho jaaegi. Chalte-chalte: Nobel ke liye kisi ko kaise chuna jaata hai - pehle charan mein logon se naamaankan mangaae jaate hain, fir nauminet hue logon par eksaparts vichaar karte hain. Unki khaasiyat aur yogadaan par charcha hoti hai. Nauminet hue shakhs ke baare mein uske desh ki sarkaar, poorv Nobel vijetaaon aur vidvaanon se rai maangi jaati hai. Iske baad hi kisi ka naam final hota hai. - kisi vyakti ko usaki maut ke baad Nobel praaij ke liye nauminet naheen kiya ja sakta. Haan, agar naumineshan ke baad maut ho gayi ho, to puraskaar diya ja sakta hai. Aisa do baar ho chuka hai. - agar kisi kaitegari mein do vijeta chune gaye hain, to donon inaam ki raashi aadhi-aadhi baanteinge. Agar teen vijeta chune gaye hain, to pehle vijeta ko aadhi rakam milegi, jabki baaki donon vijeta bachi rakam ko aadha-aadha baanteinge. PS: Nobel puraskaar har saal 10 December ko diye jaate hain, kyonki isi din alfred Nobel ka dehaant hua tha. Is saal ke naamon ki ghoshana ho chuki hai aur puraskaar samaaroh 10 December ko hoga.

Jaaniye Nobel Puraskaar Aur 2018 Ke Nobel Vijetaaon Ke Baare Mein Sab Kuchh http://www.angrejinews.com/pic/227930