Jaanein, Kya Hai Sabareemaala Mandir Vivaad, Kab Uthi Mahilaaon Ko Pravesh Ki Anumati Dene Ki Maang

Breaking »

Jaanein, Kya Hai Sabareemaala Mandir Vivaad, Kab Uthi Mahilaaon Ko Pravesh Ki Anumati Dene Ki Maang

Tiruvanantapuram Kerala ke prasiddh sabareemaala mandir ke kapaat mangalvaar shaam paaramparik maasik pooja ke liye khul rahe hain. Mandir parisar ke baahar virodh-pradarshan aur tanaav ki sthiti ko dekhte hue prashaasan ne bhi poori taiyaari kar li hai aur bhaari police bal tainaat kar diya gaya hai. Supreme court dvaara mandir mein har umr ki mahilaaon ko pravesh va pooja karne ki anumati de di gayi hai, jabki isse pehle tak 10 saal se lekar 50 saal ki aayu waali mahilaaon ko mandir mein pravesh ki anumati naheen thi. Aaie jaante hain, sabareemaala ka yeh vivaad kya hai, kab shuroo hua aur kis tarah yeh maamala Supreme court tak pahuncha? Kannad abhinetri ke daave se hui shuruaat - 2006 mein mandir ke mukhya jyotishi parappanagadi unneekrushnan ne kaha tha ki mandir mein sthaapit ayappa apni taakat kho rahe hain aur vah isliye naaraaj hain kyonki mandir mein kisi yuva mahila ne pravesh kiya hai. - iske baad hi kannad aiktar prabhaakar ki patni jayamaala ne daava kiya tha ki unhonne ayappa ki moorti ko chhuaa aur unki vajah se ayappa naaraaj hue. Unhonne kaha tha ki vah praayashchit karna chaahati hain. - abhinetri jayamaala ne daava kiya tha ki 1987 mein apne pati ke saath jab vah mandir mein darshan karne gayi theen to bheed ki vajah se dhakka lagne ke chalte vah garbhagruh pahunch gain aur Bhagwan ayappa ke charanon mein gir gain. Jayamaala ka kehna tha ki vahaan pujaari ne unhein fool bhi diye the. Padhein: Sabareemaala LIVE: Mahilaaon ke liye khuleinge dwaar Supreme court mein daayar hui thi yaachika - jayamaala ke daave par Kerala mein hangaama hone ke baad mandir mein mahilaaon ka pravesh varjit hone ke is mudde par logon ka dhyaan gaya. 2006 mein raajya ke yang lauyars asosiyeshan ne Supreme court mein iske khilaaf yaachika daayar ki. - iske baavajood agale 10 saal tak mahilaaon ke sabareemaala mandir mein pravesh ka maamala lataka raha. Supreme court ne kiya tha hastakshep - yaachika par Supreme court ne mandir ke trast traavanakor devaasam board se mahilaaon ko mandir mein pravesh ki anumati na dene par javaab maanga tha. - board ne kaha tha ki Bhagwan ayappa brahmachaari the aur is vajah se mandir mein vahi bachchiyaan va mahilaaen pravesh kar sakti hain, jinka maasik dharm shuroo na hua ho ya fir khatm ho chuka ho. - 7 November 2017 ko Supreme court ne apna rukh jaahir kiya tha ki vah sabareemaala mandir mein har umr ki mahilaaon ko pravesh dene ke paksh mein hai. Padhein: Sabareemaala mandir maamala: Sangh ne sabhi pakshon se kaha, nyaayik sahit anya vikalp par bhi karein gaur Sabareemaala mudde par khoob hui raajaneeti - 2006 mein mandir mein pravesh ki anumati se judi yaachika daayar hone ke baad 2007 mein LDF sarkaar ne pragatisheel va sakaaraatmak najariya dikhaaya tha. - LDF ke rukh se ulat Congress netrutv waali yoodeeef sarkaar ne baad mein apna paksh badal diya tha. - chunaav haarne ke baad yoodeeef sarkaar ne kaha tha ki vah sabareemaala mein 10 se 50 varsh ki aayu waali mahilaaon ke pravesh ke khilaaf hain. - yoodeeef ka tark tha ki yeh parampara beete 1500 saal se chali aa rahi hai. - BJP ne is mudde ko dakshin mein pair jamaane ke mauke ki tarah dekha aur beete dinon Supreme court ke mahilaaon ke hak mein faisale ke virodh mein hajaaron BJP kaaryakartaaon ne Kerala raajya sachivaalaya ki or March kiya. - mahila adhikaar sangathanon ne ise mudda banaaya saath hi bhoomaata briged ki trupti Desai ne bhi sabareemaala mandir aane ki baat kahi hai. Court ne maana maulik adhikaaron ka ullanghan - 11 July 2016 ko Supreme court ne kaha ki mahilaaon ke mandir mein pravesh par rok ka yeh maamala samvaidhaanik peeth ko bheja ja sakta hai. - Supreme court ne kaha tha ki aisa isliye kyonki yeh samvidhaan dvaara pradatt maulik adhikaaron ke ullanghan ka maamala hai aur in adhikaaron ke mutaabik mahilaaon ko pravesh se roka naheen jaana chaahiye. - 2017 mein Supreme court ne maamala samvidhaan peeth ko saunp diya tha aur July, 2018 mein paanch judgeon ki bench ne maamale ki sunavaai shuroo ki thi. Padhein: Supreme court ka bada faisala, sabareemaala mandir mein mahilaaon ko mili entry Mahilaaon ke hak mein aaya aitihaasik faisala - 28 September, 2018 ko Supreme court ne aitihaasik faisala sunaate hue Kerala ke sabareemaala mandir mein mahilaaon ko pravesh ki anumati de di hai. Court ne saaf kaha hai ki har umr varg ki mahilaaen ab mandir mein pravesh kar sakeingi. - Supreme court ne kaha tha ki hamaari sanskruti mein mahila ka sthaan aadaraneeya hai. Yahaan mahilaaon ko devi ki tarah pooja jaata hai aur mandir mein pravesh se roka ja raha hai. Yeh sveekaarya naheen hai. Sabareemaala: Tanaav aur virodh-pradarshan ke beech khuleinge mandir ke kapaat, bhaari suraksha bal . . . X.

Jaanein, Kya Hai Sabareemaala Mandir Vivaad, Kab Uthi Mahilaaon Ko Pravesh Ki Anumati Dene Ki Maang http://www.angrejinews.com/pic/228994