J&K Ramajaan Ke Pehle Din Aatankiyon Ne Ki Yuvak Ki Hatya

Breaking »

J&K Ramajaan Ke Pehle Din Aatankiyon Ne Ki Yuvak Ki Hatya

Shreenagar Jammu-Kashmir mein kendra sarkaar ne bhale hi ektarfa seejafaayar ka ailaan kar rakha ho, lekin aatankvaadiyon par is baat ka koi asar padta naheen dikh raha hai. Ramajaan maheene ke pehle hi din aatankiyon ne uttari Kashmir mein ek 23 varsheeya yuvak ki hatya kar di. Uttari Kashmir ke baandeepora mein sthit haajin ke bona mohalla nivaasi hilaal Ahmad parre (23) ki laash uske ghar ke hi paas ke ek baageeche se baraamad ki gayi. Police ne jaankaari dete hue bataaya ki anusaar painter ka kaam karne vaale hilaal ko hathiyaarabaddh aatankvaadi unke ghar se kheenchakar baahar nikaal le gaye. Usaki hatya gala ghontakar kar di gayi. Padhein: Pakistan ne kiya seejafaayar ullanghan, 1 beeesaf javaan shaheed Bata dein ki abhi haal hi mein kendra sarkaar ne Jammu-Kashmir mein ramajaan ke maheene mein shaanti vyavastha ke nirmaan ke uddeshya se ektarfa seejafaayar ki ghoshana ki thi. Haalaanki, apne is faisale mein sarkaar ne yeh bhi kaha tha ki bhale hi javaanon ko koi naya operation shuroo na karne ke liye kaha gaya ho lekin agar un par koi hamla kiya jaata hai to vah iska javaab dene ke liye poori tarah se svatantr hain. Padhein: Deejeepi ki appeal, 'Ramajaan ke maheene mein apne bigdail bachchon ko samajhaaen aatankiyon ke parivaar' Is faisale ke din hi aatankiyon ne Kashmir ke chaar alag-alag sthaanon par hamle kiye. Iske saath hi RS pura sector mein Pakistan ki or se guruvaar raat seejafaayar ullanghan kiya gaya. BSF ki or se Pakistan ki is harkat ka munhatod javaab diya gaya. Haalaanki is kaarravaai mein ek BSF javaan shaheed hue, vaheen hamle mein do aam naagrik bhi ghaayal ho gaye. Padhein: Shreenagar mein CM mahbooba mufti ke ghar ke paas hamla, 3 rifle ki loot Alagaavavaadi sangathan hurriyat conference aur aatanki sangathan lashkar-A-taiyaba ne is seejafaayar ka bahishkaar kiya hai. Jekeelaef cheef yaasin malik ne kaha ki kendra sarkaar ne 'Kashmeeriyon ko jinda rahane ke liye keval ek maheena hi diya hai. ' Aatankvaadiyon dvaara yuddhaviraam ka ullanghan kiye jaane se 18 saal pehle ke daur ki yaadein taaja ho gain, jab tatkaaleen pradhaanamantri atal bihaari vaajapei ne varsh 2000 mein seejafaayar ki ghoshana ki thi. Yeh samay 2016 tak teen baar badhaaya gaya. Is dauraan 830 log maare gaye. Inmein 348 aam naagrik, 197 surakshaabal tatha baaki aatanki maare gaye the. Baandeepora mein hilaal ki hatya ke baad bhi logon mein khauf badh gaya hai.

J&K Ramajaan Ke Pehle Din Aatankiyon Ne Ki Yuvak Ki Hatya http://www.angrejinews.com/pic/205595