J&K Peedeepi Ke Think Tank Kahe Jaane Vaale Haseeb Draaboo Ne Party Ki Sadasyata Se Diya Isteefa

Breaking »

J&K Peedeepi Ke Think Tank Kahe Jaane Vaale Haseeb Draaboo Ne Party Ki Sadasyata Se Diya Isteefa

Shreenagar Saal 2015 ke dauraan Jammu-Kashmir mein bhaarateeya janta party aur peepals demokraitik party ke gathabandhan mein mukhya bhoomika ada karne vaale haseeb draaboo ne guruvaar shaam peedeepi ki sadasyata se isteefa de diya. Jammu-Kashmir ke poorv CM mufti mohammad Saeed aur mahbooba mufti ke behad khaas kahe jaane vaale draaboo yahaan BJP-peedeepi gathabandhan ki sarkaar mein vitt mantri the aur unhein raajya ki arthavyavastha ke think-tank ke roop mein jaana jaata hai. Haseeb draaboo ne kuchh maheenon pehle Jammu-Kashmir ki samasya ko ek samaajik mudda bataaya tha, jiske baad tatkaaleen mukhyamantri mahbooba mufti ne unhein mantrimandal se barkhaast kar diya tha. Draaboo ki barkhaastagi ke baad peedeepi mein unke vikalp ki talaash ko lekar kaafi bahas bhi hui thi. Draaboo ki barkhaastagi ki khabar ke turant baad khud Jammu-Kashmir ke poorv CM umar abdulla ne bhi apne tweet mein yeh likha tha ki ye dekhna bahut dilchasp hoga ki sarkaar mein haseeb draaboo ki jagah kaun leta hai. Bataaya ja raha hai ki mantrimandal se barkhaast hone ke baad se hi draaboo peedeepi ke sheersh netrutv se naaraaj the, jiske baad unhonne guruvaar ko party ke sabhi padon se isteefa de diya. Padhein: Jammu-Kashmir ki arthavyavastha ke 'Chaanakya' rahe hain draaboo, par ab kaun hoga vikalp? PM ke salaahakaar se J&K bank ke CEO tak ka safar Bata dein ki Jammu-Kashmir mein tax rifaurmar aur kushal aarthik prabandhanon ke liye pahachaane jaane vaale draaboo desh ke pratishthit Jawahar laal Nehru vishvavidyaalaya se arthashaastr mein Ph. D. Kar chuke hain. Saal 1990 mein yojana aayog se apne career ki shuruaat karne vaale draaboo, kendra sarkaar ke kai bade padon par kaam kar chuke hain. Apne sevaakaal mein draaboo pradhaanamantri ki aarthik salaahakaar parishad ke sadasya, Jammu-Kashmir bank ke CEO aur asian divelapameint bank ke salaahakaar jaise mahatvapoorn padon par kaam kar chuke hain. Iske alaava patrakaarita ke kshetr mein kaam kar chuke draaboo kai pratishthit akhbaaron mein arthik vishyon par saikadon lekh bhi likh chuke hain.

J&K Peedeepi Ke Think Tank Kahe Jaane Vaale Haseeb Draaboo Ne Party Ki Sadasyata Se Diya Isteefa http://www.angrejinews.com/pic/239651