Ivaanka Trump Ban Sakti Hain World Bank Ki Agali Adhyaksh

Business »

Ivaanka Trump Ban Sakti Hain World Bank Ki Agali Adhyaksh

Nai Delhi Ameriki raashtrapati daunald trump ki beti ivaanka trump world bank ki agali adhyaksh ban sakti hain. Ivaanka ka naam world bank ke adhyaksh pad ki race mein hai. Ivaanka abhi vaait house ki salaahakaar hain aur vah maujooda adhyaksh jim yaung kim ki jagah le sakti hain. Reports ke mutaabik, adhyaksh pad ki race mein ivaanka ke alaava anya sambhaavit ummeedavaaron mein sanyukt raashtra ke poorv raajadoot nikki heli bhi shaamil hain. Guruvaar ko world bank board ne kaha ki agale maheene ki shuruaat se nae leedar ke liye naumineshan sveekaar kiye jaaenge aur madhya April tak nae adhyaksh ko niyukt kar diya jaaega. Maujooda adhyaksh kim pehle ameriki naumini the jinhein 2012 mein world bank prejideinsi ke liye chunaav lada tha. Bank ke board ne kaha hai ki silekshan proses 'Open, merit-besd aur traansapereint' hoga. Is baat ka dhyaan rakha jaaega ki naun-Amreeki ummeedavaar ko darakinaar na kiya jaae. Bata dein ki kai global insteetyooshan jaise world bank ne trump prashaasan ka virodh kiya hai, lekin ab adhyaksh pad ke liye kisi ka naam sujhaane ko kaha hai. Gaur karne waali baat hai ki world bank (WB) ke prejideint jim yaung kim (Jim Yong Kim) ne somvaar ko ailaan kiya ki vah January ke aakhir mein isteefa de deinge. Kim jalavaayu parivartan par trump prashaasan ki neeti se naakhush hain. Kaaryakaal samaapti ke teen varsh pehle kim ka pad chhodna trump aidaministreshan aur anya deshon ke beech katu sangharsh ko hava de sakta hai. Baaki desh world bank par ameriki dabadabe ki shikaayat karte rahate hain. Dviteeya vishv yuddh ki samaapti ke baad 189 deshon ka yeh bank astitv mein aaya. Tab se aaj tak iske saare pramukh ameriki hi rahe hain. Duniya ke vibhinn deshon ko loan dene waali iski sahayogi sanstha antararaashtreeya mudra kosh (IMF) ki aguvaai hamesha ki yooropiyn ne hi ki hai. Cheen samet anya Asiaee raashtron mein is parampara ki mukhaalafat ki hai. America world bank mein sabse bada hissedaar hai. World bank ka mukhyaalaya bhi ameriki rajdhani Washington mein hi hai.

Ivaanka Trump Ban Sakti Hain World Bank Ki Agali Adhyaksh http://www.angrejinews.com/pic/247349