Item Gaane Par Pratibandh Ke Samarthan Mein Aae Navaajuddeen, Prashaant

Movies »

Item Gaane Par Pratibandh Ke Samarthan Mein Aae Navaajuddeen, Prashaant

Mumbai: Abhineta navaajuddeen Siddiqui aur prashaant Narayan ne keindreeya film pramaanan board (CBFC) dvaara television par dikhaae jaane vaale item gaane par sakhti kiye jaane ke faisale ka samarthan kiya hai. In donon ka maanana hai ki ye gaane bachchon ko prabhaavit kar sakte hain. 'Bhindi baajaar' aur 'Murder-2' jaisi film mein kaam kar chuke prashaant ka maanana hai ki film ka vah hissa jo mahatvapoorn na ho us par pratibandh lagaana uchit hai. Prashaant ne ek saakshaatkaar mein kaha, "Agar log sirf item gaane ke sahaare apni film bechana chaahate hain to un par pratibandh achhi baat hai. Mera maanana hai ki agar koi drushya kisi film ka mahatvapoorn hissa na ho aur jise sirf film ke vyavasaaya ke liye istemaal kiya ja raha ho to use television par naheen dikhaana chaahiye. " Delhi mein hue saamoohik dushkarm ke baad television par dikhaae jaane vaale drushyon ko lekar milne waali shikaayaton ke maddenajar censor board ne item gaane aur isi tarah ke drushyon par pratibandh lagaane ka faisala kiya hai. Is beech, navaajuddeen ka maanana hai ki aise gaane bachchon par nakaaraatmak asar daalte hain aur vah censor board ke kadam ko sahi thaharaate hain.

Item Gaane Par Pratibandh Ke Samarthan Mein Aae Navaajuddeen, Prashaant http://www.angrejinews.com/pic/1665