Isliye Akshay Truteeya Se Badh Sakti Hai BJP Ki Pareshaani

Breaking »

Isliye Akshay Truteeya Se Badh Sakti Hai BJP Ki Pareshaani

Sachin malhotra/jyotishshaastree18 April ko Akshay truteeya hai. Isi din shani dhanu raashi mein vakri ho rahe hain aur kendra mein sattaaroodh party BJP ki kundali mein neech raashi ke chandrama ki mahaadasha shuroo ho rahi hai. Chandrama ki is mahaadasha mein party ki mushkilein badheingi aisi aashanka dikhti hai. BJP ki sthaapana 6 April 1980 ko dopahar 11 bajkar 45 minute par Delhi mein hui thi. Mithun lagn ki inki kundali mein chandrama apni neech raashi vrushchik mein hokar chhathe bhaav mein kamjor sthiti mein kemadrum yog mein pada hua hai. Is yog ke prabhaav se is party ko shuruaati varshon mein khoob sangharsh karna pada. 1984 ke Loksabha chunaavon mein party ko mahaj 2 seaton se santosh karna pada. 90 ke dashak mein chale raamamandir aandolan se BJP ki sthiti majaboot hui aur atal bihaari Vajpayee ke netrutv mein kend mein BJP gathabandhan ki sarkaar ban gayi. Iske baad BJP ko 10 varshon tak vipaksh mein baithna pada lekin jab dasham bhaav ke soorya ki mahaadasha chali to BJP ki lahar chal padi aur kendra sahit 20 raajyon mein inki sarkaar ban gayi. Lekin 18 April se ab chhathe bhaav mein baithe neech ke chandrama ki mahaadasha ke shuroo hone se BJP ko aane vaale varshon mein chunaavon mein jeet ke liye kada sangharsh karna padega. Is saal Karnataka, Rajasthan, Madhya Pradesh aur chhatteesagad mein hone vaale vidhaanasabha chunaavon mein se kai raajyon mein party ko haar ka munh dekhna pad sakta hai, aisi aashank dikhti hai. Chandrama ki is dasha mein BJP ke kai bade neta kaanooni maamalon mein bhi fansate najar aaenge. 2 May se 5 November ke beech mangal ke makar raashi mein gochar ke samay Ram mandir mudde ke teji se ubharane ke dauraan kuchh BJP netaaon ko apne ugr bhaashanon ke kaaran vivaadon ka saamana karna pad sakta hai. BJP ki mithun lagn ki kundali ke ashtam bhaav se mangal aur ketu ka gochar bhi party ke liye anukool naheen hai. Kai puraane logon ka saath chhoot sakta hai. Vaise agale varsh yaani 2019 mein February se shuroo ho rahi chandrama mangal ki antardasha party ko kuchh raahat degi. Chhathe aur laabh bhaav ke svaami mangal ki dasha mein BJP ko 2019 ke aam chunaavon mein fir se satta mein lautane ka avsar milega, neechabhang yog ka bhi inhein laabh milega. Lekin pichhle Loksabha chunaav ke mukaabale is baar party ki seatein kam hongi aur sarkaar banaane ke liye sahayogi dalon ki jaroorat ho sakti hai is baat ki bhi sambhaavana kundali mein najar aa rahi hai.

Isliye Akshay Truteeya Se Badh Sakti Hai BJP Ki Pareshaani http://www.angrejinews.com/pic/201134