Isaro Jaasoosi Giraftaari Se Bedaag Hone Ki Vaigyaanik S Nanbi Narayanan Ki Poori Kahaani

Breaking »

Isaro Jaasoosi Giraftaari Se Bedaag Hone Ki Vaigyaanik S Nanbi Narayanan Ki Poori Kahaani

Nai Delhi Chehare par sukoon ki hansi kya hoti hai ise aaj isaro ke sevaanivrutt vaigyaanik S. Nanbi Narayanan se jyaada koi naheen bata sakta. Pehle vaigyaanik fir jaasoosi ka aarop aur ab poori tarah se bedaag vaigyaanik Narayanan ke liye 14 September ka din bada hi aham hai daraasal, Narayanan ki daastaan kisi filmi kahaani ki tarah hai. Shadayantr, aarop, giraftaari aur fir court ki taareekh dar taareekh. 24 saal gujarane ke baad Supreme court ne shukravaar ko kaha ki vaigyaanik Narayanan ko Kerala police ne bevajah giraftaar kiya tha aur unhein maanasik prataadna di. Sheersh adaalat ne isaro vaigyaanik ko 50 lakh rupaye ka muaavaja dene ka bhi aadesh diya. Aaie jaante hain rocket saaintist Narayanan ke jaasoosi ke aarop mein giraftaar hone se bedaag baahar nikalne tak ki poori kahaani. . . 1994 mein pehli girftaaree: October 1994 ko maaladeev ki ek mahila mariym raashida ko tiruvanantapuram se giraftaar kiya gaya. Raashida ko isaro ke svadeshi kraayojanik engine ki draaing ki khufiya jaankaari Pakistan ko bechne ki aarop mein giraftaar kiya gaya tha. Fir Narayanan hue giraftaar: November 1994. Tiruvanantapuram mein isaro ke top vaigyaanik aur kraayojanik praujekt ke director Narayanan samet do vaigyaaniko di shashikumaaran aur depyuti director ke chandrashekhar ko arest kiya gaya. Iske alaava roosi space agency ka ek bhaarateeya pratinidhi S ke sharma, ek lebar kauntraiktar aur raashida ki maaladeev ki dost faujiya hasan ko bhi giraftaar kiya gaya tha. In sabhi par Pakistan ko isaro rocket engine ki seekret jaankaari aur anya jaankaari doosare deshon ke dene ke aarop the. Intelligence bureau ke adhikaariyon ne Narayanan se poochh-taachh shuroo kar di. Narayanan ne aaropon ka khandan kiya aur ise galat bataaya. - December 1994: Maamale ki jaanch CBI ko saunp di gayi. CBI ne apni jaanch mein intelligence bureau aur Kerala police ke aarop sahi naheen paae. Padhiye, isaro vaigyaanik nanbi bedaag, 50 lakh muaavaja - January 1995: Isaro ke do vaigyaanik aur bijnasamain ko bail par riha kar diya gaya. Haalaanki maaladeev ke donon naagrikon ko jamaanat naheen mili. - April 1996: CBI ne cheef joodishl maijistret ki adaalat mein file ek report mein bataaya ki yeh maamala farji hai aur aaropon ke paksh mein koi saboot naheen hain. - May 1996: Court ne CBI ki report ko sveekaar kar liya aur isaro jaasoosi case mein giraftaar sabhi aaropiyon ko riha kar diya. Iske baad CPM ki nai sarkaar ne maamale ki fir se jaanch ka aadesh diya. - May 1998: Supreme court ne Kerala sarkaar dvaara is maamale ki fir se jaanch ke aadesh ko khaarij kar diya. - 1999: Narayanan ne muaavaje ke liye yaachika daakhil ki. 2001 mein raashtreeya maanavaadhikaar aayog ne Kerala sarkaar ko kshatipoorti ka aadesh diya, lekin raajya sarkaar ne is aadesh ko chunauti di. - September 2012: Haai court ne raajya sarkaar ko Narayanan ko 10 lakh rupaye dene ke aadesh diye. - April 2017: Supreme court mein Narayanan ki yaachika par un police adhikaariyon par sunavaai shuroo hui jinhonne vaigyaanik ko galat tareeke se case mein fansaaya tha. Narayanan ne Kerala haai court ke us aadesh ke khilaaf Supreme court ka rukh kiya jismein kaha gaya tha ki poorv deejeepi aur police ke do sevaanivrutt adheekshakon KK joshuaa aur S vijyan ke khilaaf kisi bhi kaarravaai ki jaroorat naheen hai. - May 2018: Cheef Justice deepak mishra ki aguaai mein Justice eem khaanavilkar aur Justice di veeaai chandrachood ki teen judgeon ki bench ne kaha ki vah Narayanan ko 75 lakh rupaye muaavaja aur unki pratishtha ko fir se bahaal karne ke baare mein vichaar kar rahe hain. - 14 September 2018: Supreme court ne utpeedn ka shikaar hue isaro vaigyaanik Narayanan ko 50 lakh rupaye ka muaavaja dene ka aadesh diya. Court ne is maamale mein ek joodishl jaanch ka bhi aadesh diya. Jab adhikaari ne kaha tha, mujhe chappal se peetana Giraftaari ke samay ko yaad karte hue Narayanan ne kuchh maheene pehle ikanaumik times ko bataaya tha ki kaise intelligence bureau ke ek adhikaari ne kaha tha, 'Sar, ham apni duty kar rahe hain. Aap jo kah rahe hain agar vah sahi hoga to aap mujhe apne chappal se peet sakte hain. ' do dashak beetane ke baad bhi Narayanan ko vah baat yaad hai. (inputs: Ikanaumik times)

Isaro Jaasoosi Giraftaari Se Bedaag Hone Ki Vaigyaanik S Nanbi Narayanan Ki Poori Kahaani http://www.angrejinews.com/pic/223315