Isaro Jaasoosi Case Mein SC Ne Vaigyaanik Ko 50 Lakh Rupaye Muaavaja Dene Ka Diya Aadesh

Breaking »

Isaro Jaasoosi Case Mein SC Ne Vaigyaanik Ko 50 Lakh Rupaye Muaavaja Dene Ka Diya Aadesh

Nai Delhi Isaro jaasoosi maamale mein Supreme court ne bada faisala diya. Shukravaar ko court ne utpeedn ka shikaar hue isaro vaigyaanik ko 50 lakh rupaye ka muaavaja dene ka aadesh diya. Supreme court ne aage kaha ki is case mein vaigyaanik S. Nanbi Narayanan ko 24 saal pehle Kerala police dvaara bevajah giraftaar kiya gaya tha. Unhein (Narayanan) pareshaan kiya gaya aur maanasik prataadna di gayi. Supreme court ne Kerala ke police adhikaariyon ki bhoomika ki jaanch karne ka bhi aadesh diya hai. Cheef Justice deepak mishra ki adhyakshata mein Justice eem khaanavilkar aur deevaai chandrachood ki bench ne 76 varsheeya Narayanan ko badi raahat di. Narayanan ne Kerala haai court ke faisale ke khilaaf Supreme court ka darvaaja khatkhataaya tha. Daraasal, haai court ne apne faisale mein kaha tha ki poorv deejeepi aur do retired SP KK joshuaa aur S vijyan ke khilaaf kaarravaai karne ki koi jaroorat naheen hai, jabki vaigyaanik ki galat giraftaari ke liye CBI dvaara ye jimmedaar thaharaae gaye the. Iske saath hi court ne jaasoosi maamale mein Narayanan ko aaropit kiye jaane ki jaanch ke liye poorv nyaayaamoorti DK jain ki adhyakshata mein teen sadasyeeya panel gathit kiya. Aapko bata dein ki 1994 ke jaasoosi maamale mein bari kiye gaye isaro ke poorv vaigyaanik Narayanan tab se kaanooni ladaai lad rahe the. Vaigyaanik ka kehna tha ki unhein jaasoosi ke jhoothe case mein fansaaya gaya tha. Jaasoosi maamale mein Narayanan aur ek anya ko giraftaar kar police ne daava kiya tha ki unhonne kuchh gupt dastaavej Pakistan ko diye the. Jaanch ke baad CBI ne kaha tha ki ye aarop jhoothe hain. Haalaanki fir se jaanch ke aadesh diye gaye par 1998 mein Supreme court ne maamale ko radd kar diya. Iske baad Narayanan raashtreeya maanavaadhikaar aayog pahunche, jahaan se 10 lakh rupaye muaavaje ka aadesh diya gaya. Haalaanki vah santusht naheen hue aur Supreme court pahunch gaye.

Isaro Jaasoosi Case Mein SC Ne Vaigyaanik Ko 50 Lakh Rupaye Muaavaja Dene Ka Diya Aadesh http://www.angrejinews.com/pic/223313