Is Saal Tay Bajat Paar Kar Sakti Hai Urvarak Subsidy

Breaking »

Is Saal Tay Bajat Paar Kar Sakti Hai Urvarak Subsidy

Nai Delhi Desh ka urvarak subsidy bill chaaloo vitt varsh mein 30,000 karod rupaye adhik ho sakta hai aur sarkaar atirikt funding ke liye sarkaari bankon ka sahaara le sakti hai. Maamale ki jaankaari rakhane vaale teen sootron ne yeh jaankaar di. Pradhaanamantri Narendra Modi ne vitt varsh 2018-19 mein urvarak subsidy ke liye 70,080 karod rupaye ka bajat tay kiya tha, lekin sootron ne kaha ki lagbhag aadhi rakam ka istemaal pichhle saal ke bakaaye ke bhugataan ke liye kiya gaya. Sootron ne kaha ki videsh mein urvarak ki keematon mein vruddhi aur dollar ke mukaabale rupaye mein kamjori se bhi urvarak ka aayaat mahanga hua, jiske kaaran chaaloo vitt varsh ke liye subsidy ki kul rakam ek lakh karod rupaye par pahunch gayi, jo ab tak ka sarvaadhik hai. Do sootron ke mutaabik, choonki keindreeya vitt mantraalaya ne is saal ke liye keindreeya rasaayan evam urvarak mantraalaya ko atirikt rakam dene se inkaar kar diya hai, isliye sarkaar sthaaneeya urvarak companiyon ke liye ek 'Vishesh banking vyavastha' par vichaar kar rahi hai.

Is Saal Tay Bajat Paar Kar Sakti Hai Urvarak Subsidy http://www.angrejinews.com/pic/247766