Is Baar Chunaavi Raajyon Mein PM Modi Ki Railiyon Par Lag Sakta Hai Break

Breaking »

Is Baar Chunaavi Raajyon Mein PM Modi Ki Railiyon Par Lag Sakta Hai Break

Nai Delhi pradhaanamantri Narendra Modi chunaavon ke dauraan taabadtod prachaar kar vipaksh ke khilaaf maahaul banaane ke maahir maane jaate hain. Haalaanki is baar paanch raajyon ke vidhaanasabha chunaavon mein unki railiyon par break lag sakta hai. Filhaal jo sanket mil rahe hain, unase aisa lag raha hai ki is baar sambhavat: PM Modi ki railiyon mein kami aaegi. Iski ek vajah unke videshi kaaryakram bhi hain, jinmein unka jaana lagbhag tay hai. Aise mein Rajasthan aur madhya pradesh jaise bade raajyon samet paanch raajyon mein hone vaale chunaav mein shaayad PM ki utani rallyan na hon, jitni aamtaur par hoti hain. Videshon mein tay hain kai kaaryakramaab tak PM ke jo sambhaavit kaaryakram hain, unke mutaabik unhein 14 aur 15 November ko Singapore mein ek kaaryakram mein hissa lena hai. Fir 31 November se do December tak Argentina ke daure par jaana hai. Is beech 12 November ko unka ek din ka Varanasi daura bhi hai. Is beech 19 ko mijoram mein rally honi hai. Aise mein maana ja raha hai ki Modi ke paas railiyon ke liye utana vakt naheen hoga ki vah har raajya mein 15 se 20 rallyan kar sakein. Gujarat aur Karnataka ki tulana mein kareinge kam railiyaanpaarti sootron ka kehna hai ki filhaal jo planning ki ja rahi hai, uske tahat PM madhya pradesh mein ek darjan aur Rajasthan mein 10 railiyon ko sambodhit kar sakte hain. Ab agar Gujarat aur Karnataka se tulana karein to yeh sankhya behad kam hai. Modi ne Gujarat vidhaanasabha chunaav ke dauraan 34 rallyan ki theen. Karnataka mein unhonne 21 railiyon ko sambodhit kiya tha. Haalaanki railiyon ki sankhya mein maahaul ko dekhte hue badlaav bhi kiya ja sakta hai. Telangaana mein to raajya ikaai ne hi filhaal teen railiyon ka plaan raashtreeya netrutv ko bheja hai. Party netaaon ka maanana hai ki isi tarah mijoram mein bhi teen-chaar se adhik rallyan hone ki ummeed naheen hai. Abhi tay naheen hai chunaav prachaar ka kaaryakram Party netaaon ka kehna hai ki pradhaanamantri ki rallyan kam hongi ya adhik, iska abhi anumaan naheen lagaaya ja sakta, kyonki chunaavi maahaul ko dekhte hue hi is tarah ke kaaryakram tay kiye jaate hain. Vaise bhi pradhaanamantri ki kai samvaidhaanik jimmedaariyaan hoti hain. Iske baad unke paas jo bhi samay hoga, uske mutaabik hi railiyon ki planning ki jaaegi. Jahaan tak videsh kaaryakram ka savaal hai to 2 December ke baad bhi Rajasthan aur madhya pradesh jaise raajyon mein railiyon ke liye pradhaanamantri ke paas kaafi samay hoga. Party usi ke mutaabik kaaryakram taiyaar karegi.

Is Baar Chunaavi Raajyon Mein PM Modi Ki Railiyon Par Lag Sakta Hai Break http://www.angrejinews.com/pic/233483