Iraq Mein Hinsa, 41 Logon Ki Maut

Breaking »

Iraq Mein Hinsa, 41 Logon Ki Maut

Baghdad: Iraq mein adhikaariyon ne 20 javaanon ke shav baraamad kiye hain, jabki kai sthaanon par hui hinsa mein aaj 21 log maare gaye. beete 30 April ko hue chunaav ke baad yeh raktapaat dekhne ko mila hai. Is saal Iraq mein hinsa mein 3,200 se adhik log maare gaye hain. is hinsa se fir aisi aashanka badh gayi hai ki Iraq 2006 aur 2007 ke daur mein ja raha hai jab yahaan hinsa charam par thi. adhikaari ab is hinsa ke baahari kaaranon khaaskar padosi Syria mein chal rahe gruhayuddh ko bhi jimmedaar thahara rahe hain. Iraq ke uttari shahar mosul ke baahari ilaake ke aya al jaheesh gaanv mein beeti raat aatankvaadiyon ke bhayankar hamle mein 20 sainik maare gaye the. Gaanv mein sthit bairak par yeh hamla ashaant sunni bahul kshetron mein sthaayitv haasil karne ke prayaason par naveenatam aaghaat hai. Do police adhikaariyon ne bataaya ki bandookdhaariyon ne kal raat kaafi najadeek se goliyaan chalaayeen, jismein 20 sainik maare gaye. ek chikitsa adhikaari ne 20 sainikon ke maare jaane ki pushti ki aur kaha ki 11 sainikon ke haath peechhe kar baandh diye gaye aur goli maarkar unki hatya kar di gayi.

Iraq Mein Hinsa, 41 Logon Ki Maut http://www.angrejinews.com/pic/50296