Irani Cup Shesh Bhaarat Ke Khilaaf Mumbai Ki Sadhi Shuruaat

Breaking »

Irani Cup  Shesh Bhaarat Ke Khilaaf Mumbai Ki Sadhi Shuruaat

Mumbai: Salaami ballebaaj vaseem jaafar (80) ki shaanadaar ballebaaji ki badaulat mumbai ne Wankhede stadium mein shesh Bhaarat ke saath jaari Irani cup mukaabale ke doosare din guruvaar ko khel ki samaapti tak do wicket ke nuksaan tak 155 bana liye. Haalaanki shesh Bhaarat ke pehli paari ke score se mumbai ab bhi 371 run peechhe hai. Jaafar ne apni shaili ke anusaar khelte hue 126 geindon ka saamana kar 11 chauke aur ek chhakka lagaaya, jabki ajinkya rahaane (naabaad 55) ab tak aath chauke jama chuke hain. Mumbai ki paari ki shuruaat jaafar aur aaditya taare ne ki. Donon salaami jodi team ko badhiya shuruaat naheen day saki. Taare chhah run ke niji score par ishvar Pande ki geind par manoj tivaari ko catch dekar chalte bane. Unke out hone ke baad ballebaaji karne aae rahaane ne jaafar ke saath milkar 132 ranon ki moolyavaan saajhedaari ki. Jaafar tej geindabaaj S shreesant ki geind par Ambati raayadoo ke haathon catch hue. Shaardul thaakur chaar run ke niji score par naabaad laute. Isse pehle, shesh Bhaarat ki pehli paari bhojanaavakaash ke baad 526 ranon par simat gayi. Suresh raina ne sarvaadhik 134 ranon ka yogadaan diya. Shesh Bhaarat ne pehle din Budhvaar ka khel khatm hone tak paanch wicket ke nuksaan par 330 run banaae the. Budhvaar ko naabaad laute ballebaaj raina (36) aur bina koi run banaae khel rahe Harbhajan Singh ne aaj ke khel ki shuruaat ki. Harbhajan adhik der tak naheen tik sake aur 16 run banaakar pavilion laut gaye. Unhein dhaval Kulkarni ne Abhishek Nair ke haathon catch karavaaya. Unke baad ballebaaji karne aae abhimnyu mithun ne raina ke saath sanbhalakar khelna shuroo kiya. Donon ke beech 153 ranon ki mahatvapoorn saajhedaari hui. Team ka score 505 run huaa tha ki mithun ko ankit chavhaan ne pagbaadha out kar diya. Unhonne apni 51 ranon ki paari mein nau chauke aur ek chhakka lagaaya. Aathavein number par ballebaaji karne aae pragyaan ojha apna khaata bhi naheen khol sake aur vishaal daabholakar ka shikaar bane. Bhojanaavakaash se pehle raina ne apna shatak poora kar liya tha. Unhonne apni paari mein 14 chauke aur paanch chhakke lagaae. Vah chavhaan ki geind par shaardul thaakur ko catch thama baithe. Pande bhi 13 run banaakar chavhaan ka shikaar bane. Shreesant ek run par naubaad laute. Mumbai ki or se chavhaan ne teen, Kulkarni aur Nair ne do-do wicket chatakaae, jabki thaakur, daabholakar aur rohit sharma ko ek-ek safalta mili. Gaurtalab hai ki shikhar dhavan (63), murali vijay (116), tivaari (37), raayadoo (51) aur vruddhimaan saaha ne 17 ranon ka yogadaan diya.

Irani Cup Shesh Bhaarat Ke Khilaaf Mumbai Ki Sadhi Shuruaat http://www.angrejinews.com/pic/1336