Irani Cup Mumbai Ki Pehli Paari 409 Par Simti, Sachin Ka Shatak

Cricket »

Irani Cup  Mumbai Ki Pehli Paari 409 Par Simti, Sachin Ka Shatak

Mumbai: Master balaastar sachin Tendulkar (naabaad 140) ki shaanadaar paari ki badaulat shesh Bhaarat ke saath Wankhede stadium mein jaari paanch divseeya match ke teesare din shukravaar ko Mumbai ki pehli paari 409 ranon par simat gayi. Sachin ne 197 geindon par 18 chauke aur do chhakke lagaae. Is tarah se shesh Bhaarat ko 117 ranon ki badhat haasil hui. Din ke khel ki samaapti tak shesh Bhaarat ne apni doosari paari mein ek wicket ke nuksaan par 27 run bana liye hain aur usaki kul badhat 144 run ho gayi hai. Murali vijay 18 aur S. Shreesant 2 run banaakar khel rahe hain. Mumbai ke kal ke naabaad laute ballebaaj ajinkya rahaane (55) aur shaardool thaakur (4) ne aaj din ke khel ki shuruaat ki. Doosare din ke kul yog mein abhi chhah hi run jude the ki thaakur ishvar Pande ki geind par manoj tivaari ko catch thamaakar chalte bane. Vah apne pehle din ke niji score mein ek bhi run naheen jod sake. Unke baad aae Tendulkar aur rahaane ne sanbhalakar khelna shuroo kiya. Rahaane 83 run banaakar Harbhajan Singh ki geind par pagbaadha out hue. Unhonne apni paari mein nau chauke aur ek chhakka jamaaya. Ankit chavhaan ne kul yog mein 49 ranon ka yogadaan diya. Apni paari mein aath chauke lagaane vaale chavhaan ko abhimnyu mithun ki geind par wicketon ke peechhe khade vruddhimaan saaha ne catch out kiya. Rohit sharma aur vishaal daabholakar apna khaata bhi naheen khol sake. Anya ballebaajon mein dhaval Kulkarni (10), jaaved Khan (8) aur Abhishek Nair ne ek run ka yogadaan diya. Mumbai ki or se Harbhajan Singh ne teen, pragyaan ojha, mithun aur Pande ne ek-ek wicket chatakaaya. Shreesant ne bhi ek ballebaaj ko pavilion ka raasta dikhaaya. Shesh Bhaarat ne apni pehli paari mein 526 run banaae the.

Irani Cup Mumbai Ki Pehli Paari 409 Par Simti, Sachin Ka Shatak http://www.angrejinews.com/pic/1467