Iran Ne Biden Ki Parmaanu Vaarta Peshakash Ka Svaagat Kiya

Breaking »

Iran Ne Biden Ki Parmaanu Vaarta Peshakash Ka Svaagat Kiya

Munich: Iran ne vivaadit parmaanu kaaryakram par usase seedhi baatcheet karne ki ameriki uparaashtrapati jo Biden ki peshakash par somvaar ko sakaaraatmak pratikriya vyakt ki lekin saath hi maang ki ki pashchimi desh us par dabaav daalna band kare. Iran ke videsh mantri Ali Akbar saalehi ne Biden ke bayaan ko 'Sakaaraatmak' evam 'Aage ki disha mein kadam' bataakar usaka svaagat kiya. Lekin isi ke saath unhonne apne desh ka yah rukh doharaaya ki vah America ke saath baatcheet ke liye tabhi taiyaar hoga jab vah samaanata ke aadhaar par ho. Unhonne teen divseeya Munich suraksha sammelan ke antim din kareeb 400 pratinidhiyon se kaha, ''Durbhaagya se har baar jab ham baatcheet karte hain to yah doosra paksh hi hai jo apne vaadon par naheen tika rahata. '' Biden ne kal kaha tha ki Obama prashaasan Iran se uske parmaanu gatirodh par seedhi baatcheet ke liye taiyaar hai basharte Irani netrutv use gambheerta se le.

Iran Ne Biden Ki Parmaanu Vaarta Peshakash Ka Svaagat Kiya http://www.angrejinews.com/pic/1061