Investors Summit Samaapan Par Niveshakon Se Bole Yogi- Desh Mein Nivesh Ke Liye Sabse Behtar Jagah UP, Aapka Svaagat Hai

Breaking »

Investors Summit Samaapan Par Niveshakon Se Bole Yogi- Desh Mein Nivesh Ke Liye Sabse Behtar Jagah UP, Aapka Svaagat Hai

Lucknow UP investors summit ke samaapan ke mauke par guruvaar ko soobe ke mukhyamantri yogi aadityanaath ne pradesh ki kaanoon vyavastha ko behtar bataate hue niveshakon ko aashvast kiya ki desh mein nivesh ke liye UP sabse upayukt hai. Yogi ne kaha ki is summit ke dauraan 1045 MOU ko raajya sarkaar ne sahamati ke saath sveekaar kiya hai. Unhonne daava kiya inke jariye aane vaale samay mein pradesh mein lagbhag 35 lakh nae rojagaar ka srujan hoga. Udhar, summit ke samaapan mein bataur mukhya atithi pahunche raashtrapati raamanaath kovind ne kaha ki UP paas desh ki sabse badi yuva shakti hai, iseeliye yahaan niveshakon ke liye bhi apaar sambhaavnaaen maujood hain. Investors summit ke samaapan samaaroh mein yogi ne kaha, 'Main niveshakon ko aashvast karta hoon ki desh mein uttar pradesh sabse upayukt nivesh sthal hai. Yahaan ki kaanoon vyavastha desh mein behatareen hai. Ab yahaan ditijl portal ke jariye ek jagah baithakar bina laalafeetaashaahi aur naukarashaahi ki chapet mein aae paulisi ke tahat suvidha ka laabh paaya ja sakta hai. ' Padhein- investors summit: UP ko 20 hajaar karod ka industrial corridor Yogi ne kaha ki 'Kaarobaar sugamata' mein UP ne nai chhalaang lagaai hai. Unhonne kaha ki 24 January ko UP sthaapana diwas ke mauke par pradesh ke paramparaagat utpaadon ko protsaahit karne ke liye 'Van distrikt van praudakt' yojana ko laagoo kiya gaya tha. Mukhyamantri ne kaha ki yeh summit isi ki agali kadi hai. Unhonne kaha ki yeh uttar pradesh ki aseemit sambhaavnaaon ko desh-duniya ke saamane prastut karta hai. Padhein- UP mein 4.28 lakh karod nivesh ka khaaka taiyaar Yogi ne is baat par khushi jaahir ki ki do din tak chale is summit mein 10 deshon ke pratinidhiyon ke saath 6000 se adhik pratibhaagiyon aur 110 se adhik companiyon ne hissa liya. Yogi ne ummeed jataai ki aane vaale samay mein aur niveshak UP ki taraf rukh kareinge. Samaapan satr mein UP ke raajyapaal Ram naaik, keindreeya vittamantri Arun Jaitley aur Mauritius ke poorv PM aniruddh jagannaath bhi maujood the. Jaanein, UP investors summit mein kisne kiya kitne nivesh ka ailaan? X.

Investors Summit Samaapan Par Niveshakon Se Bole Yogi- Desh Mein Nivesh Ke Liye Sabse Behtar Jagah UP, Aapka Svaagat Hai http://www.angrejinews.com/pic/193822