Indira Aavaas Yojana Ke Tahat Graameenon Ko Ab 70,000 Rupaye Mileinge

Business »

Indira Aavaas Yojana Ke Tahat Graameenon Ko Ab 70,000 Rupaye Mileinge

Nai Delhi: Sarkaar ne indira aavaas yojana ke tahat graameenon mein gareeb parivaar ko makaan banaane ke liye di jaane waali aarthik madad 45,000 rupaye se badhaakar 70,000 rupaye prati ikaai kar di hai. Yah nirnaya guruvaar ko mantrimandal ki baithak mein liya gaya. Sarkaar ne indira aavaas yojana ke tahat pahaadi tatha anya durgam kshetron ke liye makaan banaane ka anudaan 48,500 rupaye se badhaakar 75,000 rupaye kar diya hai. Iske alaava makaan ke liye jameen khareedne ke liye 10,000 rupaye ki jagah ab 20,000 rupaye tak ka karj liya ja sakega. Yah raashi chaar pratishat ki byaaj par upalabdh hoga. Vittamantri pi Chidambaram ne samvaadadaataaon ko bataaya ki keindreeya mantrimandal ne graameen vikaas mantraalaya ke is aashay ke prastaav ko manjoori di. Unhonne kaha ki laagat kharch mein badhotri ko dhyaan mein rakhate hue sambaddh pakshon ne is yojana mein anudaan badhaane ka aagrah kiya hai. Graameen vikaas mantraalaya ke prastaav mein gareebi rekha se neeche vaale (BPL) parivaaron ko indira aavaas yojana ke tahat anudaan raashi ko badhaakar 45,000 rupaye se 75,000 rupaye karne ka prastaav tha. Vittamantraalaya ne yah raashi 65000 rupaye tay karne ke paksh mein tha. Isi tarah, graameen vikaas mantraalaya ne pahaadi tatha anya durgam kshetron ke liye is mad mein raashi 48,500 rupaye se badhaakar 80,000 rupaye karne ka prastaava kiya tha. Graameen vikaas mantri jayaraam ramesh ne samvaadadaataaon ko bataaya, keindreeya mantrimandal ne is mudde par beech ka raasta apnaaya. Hamaare mantraalaya tatha vitt mantraalaya ke prastaav aur sujhaavon mein antar tha.

Indira Aavaas Yojana Ke Tahat Graameenon Ko Ab 70,000 Rupaye Mileinge http://www.angrejinews.com/pic/265