India Cements Ke Upaadhyaksh Bane Mahendra Singh Dhoni

Cricket »

India Cements Ke Upaadhyaksh Bane Mahendra Singh Dhoni

Chennai: Bhaarateeya cricket team ke kaptaan Mahendra Singh Dhoni ko India cements ka upaadhyaksh banaaya gaya hai. Is company ke maalik BCCI adhyaksh N shreenivaasan hai. Haal hi mein air India se isteefa dene vaale Dhoni BCCI corporate traafi mein apne nae niyokta ke liye khel sakte hain. Vaise unhonne Australia ke khilaaf series se pehle break lene ke sanket diye the. India cements IPL freinchaaiji chennai super kings ki maalik hai jismein Dhoni 2008 se kaptaan hai. Shreenivaasan is company ke prabandh nideshak aur upaadhyaksh hain. Dhoni ke company se judne ki baat tab saamane I jab kuchh din pehle India cements team mein unka naam shaamil kiya gaya. Chennai super kings ke ek adhikaari ne company mein unke ohade ki pushti ki. 1 se 8 February tak hone waali corporate traafi mein Dhoni ka naam India cements team mein hone se sabhi ko hairaani hui thi. Vaise hiton ke takaraav ke aadhaar par is kadam ki aalochna hona tay hai. Samjha jaata hai ki Dhoni par shreenivaasan ka varadahast hai. Lagaataar test haarne ke baad Dhoni ko kaptaani se hataane ke chayanakartaaon ke faisale par unhonne rok laga di thi. Corporate traafi ke match Pune, Nagpur, Indore aur Raipur mein honge.

India Cements Ke Upaadhyaksh Bane Mahendra Singh Dhoni http://www.angrejinews.com/pic/819