Imarjeinsi Badha Maaladeev Ne Di Chetaavani- Dakhal Na De Koi Desh, Bhaarat-America Hairaan

Breaking »

Imarjeinsi Badha Maaladeev Ne Di Chetaavani- Dakhal Na De Koi Desh, Bhaarat-America Hairaan

Nai Delhi Maaladeev mein imarjeinsi badaae jaane par Bhaarat aur America ne niraasha aur hairaani jataai hai, jabki vahaan ki sarkaar ne kisi prakaar ke dakhal ki aashanka par chetaavani di hai. Maaladeev ke videsh sachiv Ahmad sareer ne Budhvaar ko Bhaarat ke raajadoot Akhilesh mishra se mulaakaat ki aur Bhaarat ki chintaaon ko door karne ki koshish ki. Iske baavajood Bhaarat ne kaha hai ki hamein is baat par gahra aashcharya hai ki maaladeev ki sarkaar ne imarjeinsi ko 30 dinon ke liye badha diya hai. Yahaan videsh mantraalaya ne Budhvaar ko kaha ki imarjeinsi badhaane ko jis tarah se vahaan ki majalis (sansad) mein manjoori di gayi, vah maaladeev ke samvidhaan se mel naheen khaata hai. Yeh chinta ka vishay bhi hai. Isse raajaneetik prakriya bahaal hone mein deri hogi. Nyaayapaalika samet lokataantrik sansthaaon ka kaamkaaj thap rahega. Is baat ki aashanka hai ki maaladeev ke saamaanya haalaat ki bahaali mein isse aur deri hogi. Yeh jaroori hai ki sabhi lokataantrik sansthaaon ko samvidhaan ke mutaabik nishpaksh aur paaradarshi tareeke se kaam karne diya jaae. America ne bhi imarjeinsi badhaae jaane par gahari niraasha jataai hai. Usane bhi maaladeev ke raashtrapati abdulla yaameen se imarjeinsi khatm karne ke liye kaha hai. Ameriki videsh vibhaag ke Budhvaar ko jaari bayaan ke mutaabik, yaameen se kaanoon ka shaasan kaayam rakhane, sansad aur nyaayapaalika ka kaamkaaj uchit tareeke se chalne dene aur maaladeev ki janta ke samvaidhaanik adhikaar bahaal karne ke liye kaha gaya hai. Maaladeev ko maanavaadhikaaron par duniya se kiye vaadon ka bhi sammaan karne ke liye kaha gaya hai. Is beech maaladeev ki sarkaar ne kaha hai ki humne apne antararaashtreeya mitron aur sahayogiyon ki chintaaon ko dhyaan mein rakha hai. Unhonne kaha ki imarjeinsi badhaane ki salaah raashtreeya suraksha kaaunsil ki or se di gayi thi. Sansad ne ise manjoori isliye di hai ki Supreme court ke 1 February ke aadesh se raashtreeya suraksha ko khatra tha. Imarjeinsi par faisala aakhiri prayaas ke taur par liya gaya. Sarkaar ki or se bataaya gaya hai ki raashtreeya suraksha par mandara rahe khatre ko santoshajanak dhang se nipta liya jaaega to imarjeinsi hata li jaaegi. Yeh jaroori hai ki antararaashtreeya samudaaya mein hamaare mitr aur sahayogi maaladeev sarkaar aur janta ke saath khade rahein. Chetaavani bhare lahaje mein kaha gaya, 'Ve aisa koi bhi kadam uthaane se bachein jo pehle se samvedansheel sthiti ko aur kharaab kare aur maaladeev mein saamaanya sthiti ki bahaali ko patari se utaare. Maaladeev ki sarkaar vipaksh ke saath baatcheet karne ko taiyaar hai, kyonki yeh saamaanya sthiti ki bahaali ke liye jaroori hai. Sarkaar antararaashtreeya samudaaya ke saath milkar kaam karne ke liye taiyaar hai. Sarkaar doharaana chaahegi ki ham apne yahaan videshi naagrikon ki suraksha ke liye pratibaddh hain. '

Imarjeinsi Badha Maaladeev Ne Di Chetaavani- Dakhal Na De Koi Desh, Bhaarat-America Hairaan http://www.angrejinews.com/pic/193690