IPL Neelaami Ponting, Clark Ka Base Price Sabse Jyaada

Cricket »

IPL Neelaami  Ponting, Clark Ka Base Price Sabse Jyaada

Chennai: Chennai mein ravivaar ko IPL-6 ke liye hone ja rahi khilaadiyon ki neelaami mein Australia ke poorv kaptaan Ricky ponting aur maujooda kaptaan Michael Clark ka base price chaar lakh dollar (kareeb do karod 10 lakh rupaye) rakha gaya hai, jo sarvaadhik hai. Soochi mein ponting aur Clark ke alaava dakshin Africa ke harfanmaula johaan botha aur bhaarateeya tej geindabaaj RP Singh aham khilaadiyon mein shaamil hain. Inhein ek lakh dollar (53.3 lakh rupaye) base price mila hai. RP Singh ko pichhle saal Mumbai Indians ne chhah lakh dollar mein khareeda tha, lekin vah 11 maichon mein 10 wicket hi le sake. Iske baad freinchaaiji ne unhein chhod diya. Clark pehle Pune Warriors ke saath the, jabki ponting ne Kolkata night Riders ke liye khela tha. Botha ko teen lakh dollar (ek karod 60 lakh rupaye) ka base price mila hai. Soochi mein saat bhaarateeya, do english khilaadi aur Ireland ke kevin Obrien shaamil hain. Clark do saal pehle ti-20 cricket ko alvida kah chuke hain, jabki ponting ki ginti bhi ti-20 cricket ke sarvashreshth khilaadiyon mein naheen hoti hai. Pichhle saal ti-20 vishwacup jeetne waali West Indies team ke kaptaan rahe Darren saimi pehli baar bikri ke liye upalabdh honge. Unka base price ek lakh dollar hai. Anya antararaashtreeya khilaadiyon mein England ke Matt praayar aur ravi bopaara shaamil hain, jo pichhle satr mein bik naheen sake the. Unhein kramash: Ek lakh aur do lakh dollar base price mila hai. Soochi mein sitaara khilaadiyon ke naheen hone se neelaami mein utani raunak naheen rahegi. Ek freinchaaiji ke adhikaari ne ESPN cricinfo se kaha, is baar koi badi neelaami naheen ho rahi hai. Sabhi teemein ikke-dukke khilaadiyon ki kami poori kareingi. Khilaadiyon ke karaar 2013 satr ke baad khatm honge, lihaaja kisi bade khilaadi ko khareedna is baar mumkin naheen hai.

IPL Neelaami Ponting, Clark Ka Base Price Sabse Jyaada http://www.angrejinews.com/pic/773