IPL Neelaami Mein Clark Aur Ponting Raheinge Aakarshan Ke Kendra

Cricket »

IPL Neelaami Mein Clark Aur Ponting Raheinge Aakarshan Ke Kendra

Chennai: Australiaee kaptaan Michael Clark aur poorv kaptaan Ricky ponting ko Indian Premier league ke chhathe satr ke liye ravivaar ko hone waali khilaadiyon ki neelaami mein sabse jyaada keemat milne ki ummeed hai. Neelaami mein 101 khilaadi shaamil honge. Clark aur ponting ko chaar lakh dollar base price (kareeb do karod 10 lakh rupaye) waali shreni mein rakha gaya hai. Mumbai Indians jaisi team ki ruchi Clark mein hai, jinhein vah bhaavi kaptaan ke roop mein dekh raha hai. IPL sootron ke anusaar Mumbai Indians maujooda Australiaee kaptaan par bhaari rakam laga sakta hai. Clark ne pichhle IPL satr mein chhah match sahaara Pune warriors ke liye khele the. Clark Pune warriors ke liye bhi achha vikalp ho sakte hain, agar Yuvraj Singh kaptaani chhodkar sirf ballebaaji par dhyaan keindrit karne ka faisala karte hain. Warriors ke paas 30 lakh dollar se adhik hain, jinhein vah Clark par laga sakte hain. Vaise ek adhikaari ne kaha hai ki paisa hone ka matlab yah naheen hai ki use kharch hi kiya jaae. IPL ke pehle satr mein Kolkata night Riders ke liye chaar match khelne vaale ponting ne big bash league mein hobart Hurricanes ke liye khela. Unhonne Sydney sixers aur Sydney thunders ke khilaaf ardhashatak jamaae.

IPL Neelaami Mein Clark Aur Ponting Raheinge Aakarshan Ke Kendra http://www.angrejinews.com/pic/887