IPL Neelaami Maxwell Ki Jordaar Boli, Ponting Va Clark Saste Mein Bike

Cricket »

IPL Neelaami  Maxwell Ki Jordaar Boli, Ponting Va Clark Saste Mein Bike

Chennai: Indian Premier league (IPL) ke chhathe sanskaran ke liye ravivaar ko hui neelaami mein Australia ke harfanmaula khilaadi glen Maxwell ke liye sabse adhik 10 lakh dollar ki boli lagi. Sri Lanka ke ajantha Mendis tatha thisaara parera ko bhi achhi keemat mili, vaheen naami khilaadi Michael Clark aur Ricky ponting ko aadhaar keemat se jyaada rakam naheen mil pai. IPL ki nau teemon ne upalabdh 108 khilaadiyon mein se 37 ko khareeda aur iske liye 1.18 karod dollar kharch kiye. 37 khiladiyon mein Maxwell sabse jyaada rakam haasil karne vaale khilaadi rahe. Bhaarateeya khilaadiyon mein Abhishek Nair ko sarvaadhik 6.75 lakh dollar haasil hue. Ravivaar ko hui neelaami mein Australiaee khilaadiyon ka jahaan dabadaba raha vaheen Sri Lanka ke khilaadi bhi peechhe naheen rahe. Chaubees varsh ke yuva khilaadi glen Maxwell ko apni aadhaar keemat(200,000 dollar) se paanch guna keemat par khareeda gaya jo sarvaadhik aadhaar keemat vaale Ricky ponting(400,000 dollar) se bhi jyaada hai. Mumbai Indians team ke salaahakaar anil Kumble ne kaha, "Maxwell yuva hain, behad pratibhaashaali hain tatha unhein khelte hue dekhna bahut hi romaanchak hai. Hamaari team mein unka hona bahut hi achhi baat hai. " Shreelankaai khilaadiyon ki neelaami sabse chaunkaane waali rahi. Achhe firm mein chal rahe spin geindabaaj rangana heraath mein kisi team ne dilchaspi naheen dikhaai vaheen Pune Warriors ne ajantha Mendis ko 725,000 dollar mein khareeda. Iske liye Pune Warriors ko Mumbai Indians tatha Kolkata night Riders se kadi takkar leni padi. Mendis ki aadhaar keemat 50,000 dollar thi. Itni hi aadhaar keemat vaale thisaara parera ko sunrisers Hyderabad ne Rajasthan Royals, Mumbai Indians tatha chennai super kings se chali kadi boli ke beech 675,000 dollar keemat par apne saath joda. Vaheen rudra prataap Singh ko royal Challengers Bangalore ne 400,000 dollar mein khareeda. Unki aadhaar keemat ek lakh dollar thi. Chennai super kings, Rajasthan Royals aur sunrisers Hyderabad ki teemein bhi rudra prataap Singh ko lene ke liye ichhuk theen. Mumbai ke liye ghareloo maichon mein shaanadaar pradarshan karne vaale Nair ko Pune Warriors ne 675,000 dollar mein khareeda. Nair ke liye chhah freinchaaiji teemon ne boli lagaai. Tej geindabaaj Manpreet goni tatha jayadev unaadakat ko bhi achhi keemat mili. Goni ko jahaan IPL mein pehli baar shaamil hone waali team sunrisers Hyderabad ne 500,000 dollar mein khareeda vaheen unaadakat ko royal Challengers Bangalore ne 25,000 dollar ki keemat par khareeda. Tej geindabaaj pankaj Singh ke liye royal Challengers ne 150,000 dollar ki boli lagaai aur sudeep tyaagi ko sunrisers Hyderabad team ne ek lakh dollar keemat ke saath team ka hissa banaaya. Apekshaaon ke vipreet Australia ke naami khilaadi Ricky ponting aur Michael Clark saste mein bike. Ponting ko Mumbai Indians ne khareeda. Ponting aur Clark ki aadhaar keemat chaar lakh dollar thi aur unhein isi keemat par khareeda gaya. Ponting jahaan Mumbai Indians se jude vaheen Clark Pune Warriors se jude. Luke Pomersbach ko kings eleven Punjab ne teen lakh dollar mein khareeda. Luke ki aadhaar keemat 50 hajaar dollar thi. Australia ke Phillip huge ko Mumbai Indians ne ek lakh dollar mein haasil kiya. Unki aadhaar keemat bhi yahi thi. Australia ke hi geinjabaaj James Faulkner ko Rajasthan Royals ne chaar lakh dollar mein khareeda. Inki aadhaar keemat ek lakh dollar thi. Moejej Henricks ko raayal Challengers ne teen lakh dollar mein khareeda. Inki aadhaar keemat ek lakh dollar thi. Dakshin Africa ki twenty-20 team ke kaptaan johaan botha teen lakh dollar ki aadhaar keemat par neelaami mein shaamil hue aur Delhi Daredevils ne 450,000 dollar keemat par unhein apne saath joda. Kul milaakar royal Challengers Bangalore ne saat, sunrisers ne chhah, chennai super kings ne paanch, Mumbai Indians ne paanch, Rajasthan Royals aur Delhi Daredevils ne teen-teen aur kings eleven Punjab aur Kolkata Knightriders ne do-do khilaadi khareede.

IPL Neelaami Maxwell Ki Jordaar Boli, Ponting Va Clark Saste Mein Bike http://www.angrejinews.com/pic/972