IPL Mein Naheen Chune Jaane Ke Baad Mainne Ghar Se Baahar Niklana Band Kar Diya Tha Praveen Kumar

Breaking »

IPL Mein Naheen Chune Jaane Ke Baad Mainne Ghar Se Baahar Niklana Band Kar Diya Tha Praveen Kumar

File photo File photo Mumbai: IPL saat ke shuruaati maichon ka hissa naheen hone ke baad praveen Kumar ne Mumbai Indians ki or khelte hue chennai Superkings ke khilaaf apne pehle hi match mein prabhaav chhoda, lekin is tej geindabaaj ne kaha ki February mein hui neelaami mein khareedaar naheen milne ki baat sochakar vah ab bhi niraash ho jaate hain. praveen ne IPL ki aadhikaarik website se kaha, 'Jab mujhe neelaami mein naheen chuna gaya, to main kaafi niraash tha. Yeh mere liye stabdh karne vaala lamha tha. Main pehle dedh hafte tak niraash tha, lekin iske baad dheere dheere sab saamaanya hone laga. ' bhaavuk praveen ne kaha, 'Ek samay aisa aaya tha, jab mainne asal mein ghar se baahar niklana band kar diya tha. Main sochata tha ki log mujhse kya baat kareinge aur dar lagta tha ki ve mujhse kaise kaise savaal poochheinge. Lekin dheere dheere mainne baahar niklana shuroo kiya aur saari nakaaratmakata samaapt ho gayi. Main niraash tha, mujhe aise manch par khelne ka mauka naheen mila jiska main kaafi samay se hissa tha. ' Mumbai Indians ne chotil tej geindabaaj Zaheer Khan ki jagah praveen ko team mein chuna, jisse is tej geindabaaj ko ek baar fir IPL ka hissa banane ka mauka mila.

IPL Mein Naheen Chune Jaane Ke Baad Mainne Ghar Se Baahar Niklana Band Kar Diya Tha Praveen Kumar http://www.angrejinews.com/pic/50285