IPL-7 Super Kings Ne Royals Ko 5 Wicket Se Haraaya

Breaking »

IPL-7 Super Kings Ne Royals Ko 5 Wicket Se Haraaya

Ranchi: Indian Premier league (IPL) ke saatavein sanskaran ke tahat mangalvaar ko jeesaseee antararaashtreeya stadium mein khele gaye 37vein match mein chennai super kings ne Rajasthan Royals ko paanch wicket se hara diya. toss jeetkar pehle ballebaaji karte hue Rajasthan Royals ne chennai super kings ke saamane jeet ke liye 149 ranon ka lakshya rakha, jise Mahendra Singh Dhoni ki team ne 19.4 overon mein paanch wicket khokar haasil kar liya. aakhiri over mein chennai ko jeet ke liye 11 ranon ki jaroorat thi, lekin Dhoni (naabaad 26) ne Ravindra jadeja (naabaad 11) ke saath milkar ek baar fir kaarnaama karte hue ise poora kar liya. Dhoni ne 16 geindon ki paari mein 1 chauka aur ek chhakka lagaaya. haalaanki chennai ki jeet ki neenv dvaayan smith ne pehle hi rakha di thi. Apni 35 geindon ki paari mein smith ne paanch chauke aur do chhakkon ki madad se 44 run banaae. Chauthe kram par ballebaaji karne pahunche faaf doo plesis ne bhi 38 ranon ka mahatvapoorn yogadaan diya. vaheen apna pehla IPL match khel rahe Rajasthan Royals ke ankit sharma ko do jabki James Faulkner, kevan koopar aur rajat bhatiya ko ek-ek wicket mila. isse pehle ballebaaji karte hue Royals ne nirdhaarit 20 overon mein aath wicket khokar 148 run banaae the. Royals ki or se paari ki shuruaat karne aae ankit sharma (30) ne kaptaan Shane Watson (51) ke saath pehle wicket ke liye 60 ranon ki saajhedaari kar team ko achhi shuruaat dilaai thi. Lekin donon salaami ballebaajon ke alaava keval Stuart binni (22) hi ullekhaneeya paari khel sake. Anya koi bhi ballebaaj jyaada der wicket par naheen tik paaya, jiske kaaran achhi shuruaat ke baavajood Royals team 148 ke saamaanya score tak simat kar rah gayi. Watson ne 36 geindon ki apni tej paari mein teen chauke aur chaar chhakke jamaae. apna pehla IPL match khelne vaale Rajasthan Royals ke ankit sharma ne geindabaaji aur ballebaaji mein shaanadaar prdashan kar yeh dikhaaya ki vah ek achhe all-rounder saabit ho sakte hain.

IPL-7 Super Kings Ne Royals Ko 5 Wicket Se Haraaya http://www.angrejinews.com/pic/50459